Samarqand davlat chet tillari instituti Sharq tillari kafedrasi
qoshidagi “Turk tili va madaniyati markazi”

SamDChTIda Sharq tillari kafedrasi qoshidagi  “Turk  tili va madaniyati markazi” 1996 yilning dekabr oyida e’tiboran Turkiya elchixonasi hamda bir qator ta’lim tashkilotlari yordamida tashkil etildi va shu tashkilotlar va elchixonalar xomiyligida barcha zamonaviy texnik vositalar jihozlandi. Markaz institutning  ko’zga ko’ringan markazlaridan biri hisoblanadi. Turk tili markazi 2005 yilda ushbu markaz qayta jihozlangandan so’ng nafaqat institut talabalariga balki ilmiy sohalarda izlanishlar olib boratgan tadqiqotchi va aspirantlar ham kelib markaz adabiyot va jurnallaridan foydadanishmoqda, hozirda 103 nafar aspirant, magistr  talabalar ikkinchi til sifatida tahsil olishmoqda. Shu kunga qadar 400ga yaqin talabalar Turk tili va madaniyatidan tahsil oldi. Markaz kutubxonasida 1000 dan  ortiq ilmiy-ommabop adabiyotlar va darsliklar mavjud bo’lib talabalar, nafaqat turk tili bilan balki turk xalqi madaniyati, tarixi, urf-odatlari bilan yaqindan tanishmoqda.  

Markaz Turkiya elchixonasi yordamida doimo Turkiyalik mutaxassis-o’qituvchilari bilan ta’minlab turadi. Bular qatoriga institutda 1996 yildan 2004 yilgacha “Turk tili va madaniyati” markazida turk tilidan talabalarga saboq bergan Turkiyadan Janob  Mustafa Chetin va 2004 yildan buyon esa janob Po’lat Zeynellar faoliyatini kiritishimiz mumkin. Qolaversa, ushbu markazda instntumiz o’qituvchilaridan F.Nurmuxammedov va B.Fattayevlar talabalarga turk tilidan mashg’ulotlar olib borishmoqda.

TIKA tashkiloti markazni kompyuter, televizor, printer kabi texnik jihozlar bilan ta’minlab, markaz faoliyatini yanada yaxshilashga yaqindan kumak berdi. Qolaversa, ushbu tashkilot turk tilidagi ilmiy adabiyotlar, lug’atlar, ensiklopediyalar kabi qimmatbaho kitoblarni taqdim etamoqda.