O’zbek tili va adabiyoti markazi

SamDChTIda «O’zbek tili va madaniyati markazi» institut professor-o’qituvchilarining sayi harakatlari bilan 1998 yilda tashkil etildi. Markazda institutning o’zbek tilini o’rganmoqchi bo’lgan xorijlik talabalar, rus guruhlari talabalari va  o’zbek tili guruhi talabalari mashg’ulotlarda qatnashadilar. O’zbek tilshunosligining  barcha soxalari mo’ljallangan darslik o’quv qo’llanmalar, kitob-jurnallar, zamonaviy texnik jihozlar (audio, video kassetalar, lug’atlar, ijtimoiy, siyosiy qo’llanmalar) bilan ta’minlangan. Bundan tashqari, o’zbek adabiyotining yirik vakillarining asarlari, xalq og’zaki ijodi namunalari, o’zbek klassik adabiyotining namunalari topish mumkin.

Markazda turli davra suhbatlari, talabalar bilan uchrashuvlar, O’zbek tiliga bag’ishlangan bayramlar, Navoiyxonlik, Bobur singari buyuk siymolarning tavallud kunlariga bag’ishlangan adabiy,  badiiy kechalar o’tkaziladi. O’zbek tili markazida professor N.Turniyozov, dosentlar A.Raximov, N.Begaliyev, X.Xayrullayevlar talabalarga mashg’ulotlar olib borishmoqda.

Institutga tashrif buyurgan hozirda faoliyat olib borayotgan o’zbek yozuvchi va shoirlaridan Barot Boyqobilov, Normurod Narzullayev, Xosiyat Bobomurodova, Orif Xoji, Shavkat Xasanov, Uyg’un Ro’ziyev, Nodir Jonuzoљ, Orif To’xtash, G’ayrat Sa’dullayev, Voxid Luqmonov singari ijodkorlar uzbek tili markazda talabalar bilan uchrashuv va mushoiralar o’tkazgan. Bu ijodkorlar o’z ijod namunalaridagi sara asarlaridan taqdim etganlar. Bulardan tashqari markazda taniqli adabiyotshunos va tilshunos olimlar ham davra suhbatlarida ishtirok etganlar. Jumladan, O’zbekiston Fanlar Akademiyasi  Til va adabiyot instituti olimlari - professorlar To’ra Mirzayev, Aziz Qayumov, Abduqodir Haitmetov, Mamatqul Jurayev, Fozila Sulaymonova, Botirxon Valixo’jayev, Saidulla Mirzayev, Xotam Umurov, Raxmonqul Orzibekov kabi olimlar ham davra suhbatlarda qatnashgan.