Rus tili va madaniyati markazi

SamDChTIda “Rus tili va madaniyati markazi” 1998 yil iyun oyida Rossiya Federasiyasining O’zbekistondagi elchixonasi moliyaviy yordamida ochildi. Markazning tantanali ochilish marosimida bir qancha hurmatli mehmonlar tashrif buyurishdi, jumladan, Rossiya Federasiyasining O’zbekistondagi Favqulotda va Muxtor elchisi A.Pasev, «Almamater» (Oliy maktab xabarnomasi) jurnalining bosh muxarriri O. Doljenko, A.S.Pushkin nomidagi Rossiya Davlat rus tili instituti prorektori V.A.Tatarinov va boshq.

“Rus tili va madaniyati markazi”ga har yili bir nechta professor va o’qituvchilar turli davlatlardan tashrif buyurishadilar, shuningdek markazda rus xalqi va tarixiga bag’ishlangan uchrashuvlar va she’rxonlik kechalari uyushtiriladi. Ushbu mehmonlar institut talaba va o’qituvchilari bilan uchrashuvi davomida zamonaviy Rossiya va rus xalqi madaniyati haqida mehmonlar ma’lumot berishadi.

1999 yil “Rus tili va madaniyati markazi”ga Rossiya Federasiyasining O’zbekistondagi elchixonasi maslahatchisi V.Dinnza tashrif buyurdi. Bundan tashqari, “Rus tili va madaniyati markazi”ga juda ko’p taniqli va faxriy mehmonlar tashrif buyurishadilar, jumladan, Rossiya Xalqaro Fpnlar Akademiyasining Oliy maktabi prezidenti V.Shukshinov, Oliy Majlis deputati, O’zbekistondagi rus madaniy markazi raisi S.I.Zinin, Davlat Til Akademiyasi vakili janob Alimov, “Izvestiya” gazetasining xalqaro bo’limi vakili janob Charodeyea va boshq.

Markaz qoshidagi kutubxonada 640 dan ortiq kitoblar mavjud. Ular orasida qo’yidagi kitoblarni alohida ko’rsatishimiz mumkin: Adabiy Ensiklopediya (9 tom), Zamonaviy rus adabiy tilining lug’ati (17 tom), Rossiya tarixi (15 tom), Rus tili grammatikasi (3 tom), So’z yasovchi lug’at (3 tom), Rus xalqi shevalarining lug’ati (11 tom), Jonli buyuk rus tilining lug’ati (4 tom), Pushkin tilining lug’ati (4 tom), shuningdek markazda buyuk rus shoiri va yozuvchilarning to’plamlari mavjud, jumladan, A.S.Pushkin (4 tom), L.Tolstoy (11 tom), A.P.Chexov (18 tom), V.Mayakovskiy (6 tom), Ya.Ivashkevich (8 tom), K.Semyonov (10 tom)va boshqalar.