Samarqand davlat chet tillari instituti bir necha markazlar qatorida arab tili va madaniyati markazi faoliyat yurgizib kelmoqda. 1996 yildan boshlab arab tili ikkinchi til mutaxassisligi  sifatida o’rganila boshladi. 1998 yilda Toshkent shahridagi Misr Arab Respublikasi elchixonasi sayi - harakati va moliyaviy ko’magi bilan institutda  “Arab tili va madaniyati” markazi tashkil etildi.

Hozirgi kunda institut ingliz filologiyasi fakultetining beshta guruhlarida arab tili ikkinchi til mutaxassisligi sifatida o’rganilmoqda. Hozirga qadar arab tili mutaxassisligi bo’yicha 80ga yaqin talabalar o’z bilimlarini olishdi. Markazda arab tili mutaxassisligi bo’yicha 4 nafar o’qituvchi, jumladan, Abdusalom Rubbi Izzat Misr Arab Respublikasidan tashrif buyurib  dars berib kelmoqda.   

Markazda arab tilini o’rganish yaxshi yo’lga qo’yilganligi sababli Respublika olimpiadalarida institut talabalari nufuzli o’rinlarni egallashmoqda. Masalan 2003-2004 o’quv yilida Tohirova Zilola Respublika olimpiadasida 2-chi urinni, 2004-2005 o’quv yilida esa 3 o’rinlarni egalladi. Ingliz filologiyasi talabasi Omonov Ixtiyor Toshkent shahrida “Misr madaniyati markazi” tomonidan o’tkazilgan tanlovda g’olib chiqib, 2006 yilning mart oyida Misrning Al-As’har universitetiga 1 yil muddatga  o’qishga taklif qilingan.

Institutga har yili xorijdan taniqli mehmonlar tashrif buyuradi, shu jumladan 2005 yil iyun oyida Misr Arab Respublikasi elchixonasi qoshidagi madaniyat markazi direktori janob Magdi M.Morsi Zaabal institutimizga tashrif buyurgan va talabalarga Misr madaniyati va tarixi haqida ma’ruza o’qidi.