Ilmiy bo'lim

Ilmiy bo’lim institutda ilmiy – tadqiqot ishlarini rivojlantirish va ularning samaradorligini oshirish; tadqiqot natijalarini matlubot kooperasiyasining korxonalariga, xalq xo’jaligining boshqa tarmoqlariga va o’quv jarayoniga tadbiq qilishni jadallashtirish; ilmiy – pedagogik xodimlarni tayyorlash va malakasini oshirish hamda institutning nashrlik faoliyatini rivojlantirish maqsadida faoliyat ko’rsatadi.

Ilmiy bo’limda 3 nafar xodim ishlaydi.

1. Ilmiy bo’lim boshlig’i.

2. Iqtidorli talabalar bilan ishlash bo’yicha muhandis.

Ilmiy bo’lim boshlig’i vazifalari quyidagilardan iborat:

Ilmiy boshlig’i institutda ilmiy-tadqiqot, ilmiy-pedagogik xodimlarni tayyorlash, ularning malakasini oshirish va nashr ishlariga rahbarlik qiladi:

• institutda va uning bo’limlarida (tarkibiy qismlarida) ilmiy-tadqiqot va ilmiy-uslubiy ishlarni tashkil qiladi;
• kafedralar va laboratoriyalarning yillik va perspektiv ilmiy-tadqiqot rejalarini tuzishga rahbarlik qiladi va ular asosida institutning yillik va perspektiv ilmiy-tadqiqot rejalarini ishlab chiqadi hamda ularni tasdiqlash uchun institut ilmiy kengashiga taqdim qiladi;
• xalqaro fondlar, grantlar, buyurtma va xo’jalik shartnomalari mavzularining o’z vaqtida bajarilishini tashkil va nazorat qiladi;
• tugallangan ilmiy-tadqiqot ishlarini amaliyotga joriy qilishni tashkil qiladi;
• patent, lisenziya va avtorlik guvohnomalarini olish uchun hujjatlarni tayyorlash va rasmiylashtirish bo’yicha ishlar olib boradi;
• katta ilmiy xodimlar, aspirantlar rahbarlari va tadqiqotchilarning dissertasiyalarni bajarish haqidagi hisobotlarini institut ilmiy kengash majlislarida doimiy ravishda (tinglashni) eshitishni ta’minlaydi;
• aspirantlarni attestasiyadan o’tkazish ishlarini boshqarib boradi;
• institutning tahririyat kengashi ishini tashkil qiladi;
• institut professor-o’qituvchilari va aspirantlari tomonidan tayyorlangan darsliklar, o’quv qo’llanmalari, ma’ro’za matnlari, ilmiy konferensiya materiallari va boshqa ilmiy ishlarni nashrga tayyorlashni tashkil qiladi va ularni chop qilishga yordam beradi;
• institutda va kafedralarda ilmiy konferensiyalar, simpoziumlar va seminarlar o’tkazishni rejalashtiradi va tashkil qiladi hamda ularni o’tkazish bo’yicha tayyorgarlik ishlariga rahbarlik qiladi;
• fakultetlar, o’quv markazlari va kafedralardagi talabalar ilmiy-tadqiqot ishlari faoliyatini nazorat qiladi hamda a’lochi va iqtidorli talabalarni Prezident va davlat stipendiyalariga tavsiya etishni tashkil qiladi;
• ilmiy-tadqiqot ishlarining yakunlari bo’yicha yillik hisobot tuzadi va uni institut ilmiy kengashiga muhokama qilish uchun taqdim qiladi.

Iqtidorli talabalar bilan ishlash bo’yicha muhandis vazifalari quyidagilardan iborat:

• faoliyatning asosiy yo’nalishlari institut ilmiy kengashi tomonidan belgilangan tartibda tasdiqlanadi.
• ilmiy-tadqiqot va tajriba ishlarining joriy va perspektiv rejalarini tuzishda qatnashadi;
• ilmiy-tadqiqot va tajriba ishlarini bajarish bo’yicha shartnomalar tuzish uchun uslubiy va instruktiv materiallar bilan ta’minlaydi;
• ilmiy-tadqiqot ishlari bo’yicha yillik hisobotni tayyorlash uchun barcha zarur materiallar va axborotlar bilan ta’minlaydi;
• institut professor-o’qituvchilari, injener-texnik xodimlari va talabalarini ilmiy-tadqiqotlar o’tkazishni jadallashtirishga va mutaxassislar tayyorlashning sifatini oshirishga yordam beruvchi Vatan va chet el fan va texnika yutuqlari haqidagi axborotlar bilan ta’minlaydi;
• ilmiy konferensiyalar, simpoziumlar va seminarlar o’tkazish to’g’risida takliflar ishlab chiqishda va ular bo’yicha xabar xatlari va dasturlar tuzishda qatnashadi;
• ilmiy va ilmiy-amaliy konferensiyalar materiallarini, o’quv yurtlararo tematik ilmiy ishlar to’plamlarini va boshqa ilmiy ishlarni chop qilishga tayyorlashda qatnashadi;
• fakultetlar, o’quv markazlari va kafedralarda talabalar ilmiy – tadqiqot ishlarini tashkil qilishga uslubiy yordam beradi:
• talabalar ilmiy to’garaklari faoliyatini nazorat qiladi:
• dekanatlar, o’quv markazlari va kafedralar bilan hamkorlikda oliy o’quv yurti fanlar olimpiadalari va mutaxassislar ichki konkurslarini tashkil qiladi:
• talabalar ilmiy konferensiyasini o’tkazishda qatnashadi va talabalar ilmiy ma’ro’zalarini chop qilishga yaqindan yordam beradi:
• ilmiy ishlarni fan va texnika davlat komitetida ro’yxatidan o’tkazish va rasmiylashtirish uchun uslubiy yordam ko’rsatadi.