Tahrir-nashriyot bo'limi

SamDChTI tahrir-nashriyot bo’limi O’zbekiston Respublikasi davlat matbuot qo’mitasining 1999 yil 15 yanvardagi 69-raqamli buyrug’i asosidagi institut rektorining 2001 yil 4 noyabrdagi 93-K buyrug’iga binoan tashkil etilgan.

Tahrir-nashriyot bo’limining vazifasi Samarqand davlat chet tillar instituti olimlari, professor-o’qituvchilari hamda talabalari uchun zarur bo’lgan  ilmiy, ilmiy-uslubiy adabiyotlar va o’quv qo’llanmalarini texnik jihatdan nashrga tayyorlash, institut grifi bilan bosmadan chiqayotgan barcha nashr ishlarini tahrirdan o’tkazib,  chop etishga tavsiya etish kabilardan iborat.

Tahrir-nashriyot bo’limi institut rektori tomonidan tasdiqlangan, amaldagi me’yoriy hujjatlar asosida ishlab chiqilgan o’z Nizomi va ichki qoidalariga ega bo’lib, faqat SamDChTI grifi bilan chop etiladigan ishlarni nashrga tayyorlaydi va nazorat qiladi.

Bo’lim xodimlari quyidagi vazifalarda faoliyat ko’rsatadilar:

• Katta muharrir ( mudir)
• Muharrir (o’zbek tili)
• Muharrir (rus tili)
• Korrektor
• Operator EHM

Bo'lim boshlig'i A.Q. Eshqobilov

Tahrir-nashriyot bo’limi ilmiy har kalendar yilga mo’ljallangan ilmiy va o’quv adabiyotlari nashri rejasi asosida tuzilgan joriy yil uchun o’z ish rejasiga ega. Bo’limda bajarilayotgan ishlar xajmi va sifati yildan yilga yaxshilanib, tegishli mutaxassislar tomonidan yuqori baholanib kelmoqda. Masalan, rejada belgilangan ishlarning umumiy hajmi 2003 yildagi 158,5 bosma taboqqa nisbatan, 2004 yilda 214 bosma taboqni tashkil etgan bo’lsa, 2006 yilda 300 bosma taboqdan ortdi..

Bundan Oliy va o’rta maxsus ta’lim vazirligi hamda Institut Ilmiy Kengashi tomonidan nashrga tavsiya etilgan ishlar soni 17 tani (88,5 b.t.) tashkil qiladi. Qolgan 39 nomdagi ishni (125,5 b.t.) joriy yilda institut rektorati va o’quv bo’limi tomonidan talabalarni darslik va o’quv qo’llanmalar bilan ta’minlash darajasini yaxshilash, respublika va xalqaro miqyosda o’tkazilayotgan ilmiy anjumanlar materiallarini yuksak sifat maqsadida nashrga tayyorlash mo’ljallangan.. Tayyorlanayotgan o’quv qo’llanmalar, ma’ruza matnlari kelasi yil nashr ishlari rejasiga kiritilishi uchun amaldagi qoidalarga mos ravishda rasmiylashtirilishi lozim.

Misol tariqasida Vazirlik tasdiqlagan rejada belgilangan 16 nomdagi (80,5 b.t.) ish tahrir-nashriyot tomonidan tahrir qilinib bosmaxonaga topshirildi. Bular jumlasiga, prof.N.Q.Turniyazovning «Matn lingvistikasi», A.M.Bushuyning «Suщnost yazыka kak problema obщyey lingvistiki», , dos. M.D.Sulaymonov muallifligi va mas’ul muharrirligidagi ingliz tili masalalariga bag’ishlangan uchta o’quv qo’llanma, prof. I.Suvonqulov ma’naviyat va dos. Otavaliyeva va M.Maxmudovaning pedagogika fanidan o’quv qo’llanmalari kiradi.

Bu umumiy ko’rsatgichdan, vaqtli matbuot nashri xisoblangan, «Xorijiy filologiya: til, adabiyot, ta’lim» jurnalining hajmi mustasno.

Hozirda mazkur jurnalning alohida tahririyati mavjud bo’lmasdan, shu paytga qadar bo’lim xodimlari kuchi bilan, jamoatchilik asosida o’n to’qqizta son o’z vaqtida chop etildi.

Shuningdek, bo’limda yil davomida muntazam amalga oshiriladigan tadbirlar ro’yxati ham ishlab chiqilgan

Tahrir-nashriyot bo’limida bevosita institut ixtisosliklari bo’yicha o’quv adabiyotlari nashrga tayyorlanadi. Shuningdek, alohida xolatlarda umumiy fanlar sifatida o’quv jarayoniga daxldor ma’naviyat, o’lkashunoslik, ekologiya kabi qo’shimcha sohalarga tegishli nashrlar chop etiladi. Bu ishlar ham barcha nashr ishlari kabi institut ilmiy Kengashi qarori va O’quv-uslubiy kengashi tavsiyasi bilan nashrga tavsiya etiladi.

Nashr rejasiga kiritilgan ishlarning barchasi bo’limda belgilangan tartibda va muddatda o’qilib, texnik jixatdan nashrga o’z vaqtida tavsiya etib kelinmoqda. Shuningdek, bo’lim institut bosmaxonasi bilan hamkorlikda SamDChTI grifi bilan chop etiladigan ijtimoiy-ma’rifiy tadbirlarning taklifnomalari, dasturlari, ko’plab o’tkaziladigan ilmiy, ilmiy-amaliy anjumanlar dasturlarini ham tahrirdan o’tkazish va yuqori saviyada chop etish vazifasini bajarib kelmoqda.

Bo’limda nashrga tavsiya etilgan ishlarning belgilangan tartibda ro’yxatga olinishi, jurnalga berilgan maqolalarning qayd etilishi uchun maxsus daftarlar yuritilmoqda.