Talabalar turar joyidagi ma'naviy-ma'rifiy ishlar to'g'risida

***

2007 yil 6 mart kuni “Kamolot” YoIH institut BT tashabbusi bilan talabalar turar joyida yashovchi yigit-qizlar uchun “Muqaddassan ayol” bayram-shousini tashkil etishdi.

***

O’zbekiston Respublikasi Prezidenti I.Karimovning «Yoshlik» talabalar shaharchasiga tashrif buyurib talabalarning yashash sharoitlari bilan tanishgach, barcha talabalar ta’lim muassasalaridagi talabalar turar joylariga e’tibor kuchaydi. Shu nuqtai nazardan institutimiz talabalar turar joyidagi ma’naviy-ma’rifiy ishlar samaradorligini oshirishga harakat qilmoqdamiz.

Bu yerda bugungi kunda 320 nafar talaba istiqomat qilmoqda. Talabalar vazirlikning 2006 yil 17 yanvardagi 11-sonli buyrug’i bilan tasdiqlangan talabalar turar joyi faoliyatiga oid Nizom bilan yaqindan tanishtirilgan.

Talabalar turar joyida “Ma’naviyat va ma’rifat” xonasi mavjud bo’lib, u milliy istiqlol g’oyasi talablari asosida jixozlangan. Xonada talabalar turar joyining ma’naviy-ma’rifiy hayotiga oid barcha hujjatlar jamlangan. Xona talabalar uchun ma’naviy-ma’rifiy axborot olish maskani hisoblanadi. Talabalar bu yerdagi televizor, gazetalar orqali kundalik xayotimizga oid yangiliklardan baxramand bo’lishmoqda. Ma’naviyat va ma’rifat xonasi uchun obuna qilingan gazetalar o’z vaqtida yetkazilmoqda.

Talabalar turar joyida amalga oshiriladigan ma’naviy-marifiy ishlar asosan «Ma’naviyat va ma’rifat» xonasida amalga oshirilmoqda. Joriy o’quv yilida 40 dan ortiq davra suhbatlari, uchrashuvlar o’tkazilgan. Jumladan:

• 2005 yil 28 noyabr kuni «Tibbiyot va ekologiya» kafedrasi o’qituvchilari Sh.Shirinboyev, A.Qiyomovlar tomonidan o’tkazilgan «Odob-axloq – milliy  qadriyatimiz» mavzusida bahs-munozarada XXI asr talabalarining odob-axloq xaqidagi tushunchalari qizg’in muhokama qilingan.
• 2005 yil 8 sentyabr kuni «Talabalik muborak» mavzusida o’tkazilgan davra suhbatida 1 kurs talabalariga ichki tartib qoidalar tushuntirilgan.
• 2005 yil 6 dekabr kuni o’qituvchilar Z.Raupova, A.Bakayev, M.Bozorov, A.Akobirova, I.Tog’ayev, Sh.Saidov, Sh.Majidov, S.Doliyevlar ishtirokida Konstitusiyaning 13 yilligi munosabati bilan «O’zbekiston Respublikasi Konstitusiyasining davlat va jamiyat ijtimoiy, iqtisodiy rivojidagi o’rni» mavzusida davra suhbati o’tkazilgan.
• 2005 yil 25 dekabr kuni O’zbekistonda xizmat qilgan artist B.Raximov, dosentlar N.Begaliyev, A.Bayzakov, o’qituvchi N.Raxmatullayevlar ishtirokida tadbir o’tkazilgan.
• 2006 yil 13 yanvar kuni Samarqand harbiy garnizoni vakili O.Xolboyev  ishtirokida umumiy va amaliy tilshunoslik kafedrasi a’zolari Vatan himoyachilari kuni munosabati bilan «Vatan himoyasi - muqaddas burch» mavzusida davra suhbati o’tkazilgan.  
• 2006 yil 11 yanvar kuni talabalar turar joyida istiqomat qilayotgan barcha qizlar institut majlislar zalida to’plab, qizlar ma’naviyati, reproduktiv salomatlik va yoshlarni oilaviy xayotga tayyorlash masalalari xususida qizg’in suxbat tashkil etildi. Tadbirda shoiralar Gulchehra Abdulvosi qizi, Kubarro Bahromova hamda viloyat «Oila» ilmiy-amaliy markazi vakillari ishtirok etishdi. Tadbir talabalarda juda katta taassurot qoldirdi.
• 2006 yil 31 yanvar kuni Alisher Navoiy tavalludining 565 yilligi munosabati bilan «Alisher Navoiy – buyuk siymo» mavzusida tadbir o’tkazildi. Tadbirga navoiyshunos olimlar f.f.n. S.Tohirov va Sh.Mahmadiyevlar ishtirok etishdi. Tadbir so’ngida bahs-munozara o’tkazildi.

Shuningdek, talabalar turar joyida jamoatchilik asosida tarbiyachi-pedagoglar ham faoliyat yuritmoqda. Tarbiyachi-pedagoglar bu yerdagi tartib-intizom, tinchlik, ozodalikni ta’minlash bilan birga, ma’naviy-ma’rifiy soxadagi ishlarni xam nazorat qilishmoqda.

Talabalar turar joyida talabalarning o’z-o’zlarini boshqarish organi -  Talabalar kengashi faoliyat ko’rsatmoqda. Kengashga faol, jamoatchi talabalar a’zo qilib olingan. Talabalarning ichki tartib-qoidalarga rioya qilishi Talabalar kengashi tomonidan nazorat qilinadi. Kengash tomonidan talabalar turar joyi va qavatlar bo’yicha navbatchiliklar ham tashkil qilingan.

Talabalar turar joyida talabalarning sport bilan shug’illanishlari uchun 3 qavatga shaxmat-shashka klubi, 4-qavatga og’ir atletika to’garagi faoliyat yuritmoqda.

Bu yerda talabalarning bo’sh vaqtlarini mazmunli o’tkazishlari uchun kompyuter xonasi tashkil etilgan. Kompyuterlarning INTERNET tarmog’iga ulanishi tashkil etilmoqda. Shuningdek, talabalar uchun 2-qavatda yangi o’quv zali tashkil etildi.

Talabalar turar joyida xavfsizlikni, tinchlikni ta’minlash maqsadida institut rahbariyati va professor-o’qituvchilardan yillik navbatchilik tashkil qilingan. Namunali xulqli va jismonan baquvvat talaba-yoshlardan iborat «Yosh posbonlar» jamoa tuzilmasi faoliyat yuritmoqda. Xabaringiz bor, yaqinda Talabalar turar joyida kirish-chiqishni qattiq nazorat ostiga olish maqsadida kirish yo’lagi aloxida ajratilib, navbatchi-o’qituvchi, talaba-posbon hamda vaxtyor uchun sharoit yaratilgan maxsus nazorat xonasi qurildi. Bu ham bu yerdagi tartib-intizomni saqlashga qulaylik tug’diradi, albatta.

Shuni aloxida ta’kidlash kerakki, talabalar turar joyida istiqomat qilayotgan talabalarning aksariyati qizlardir. Oshxonadagi, yuvinish xonalaridagi ozodalik talaba-qizlarimizga bog’liqdir. Institut xotin-qizlar qo’mitasi tomonidan faol ayollardan xaftalik navbatchilik tashkil etilgan bo’lib, navbatchilik davomida olima ayollar talaba-qizlar bilan muntazam suxbatlar, tushuntirish ishlari olib borishmoqda.

Institut «Axborot guruhi» a’zolarining dolzarb masalalar yuzasidan talabalar turar joyida xam suxbatlar olib borishmoqda.