Bo‘lim boshlig‘i: 

Amriddinov Hayitboy

Bog'lanish uchun: +99890 600-67-76

UMUMIY QOIDALAR

1. Tahrir-nashriyot bo‘limi nashriyotlarsiz ilmiy, ichki nashr adabiyotlari hamda xizmat materiallarini nashrga tayyorlovchi va chop etuvchi institut bo‘limidir.

2. Tahrir-nashriyot bo‘limi institut uchun belgilangan nashr mahsulotining yuqori ilmiy saviyada tayyorlanishi va chop etilishi uchun javob beradi.

3. O‘z faoliyatida tahrir-nashriyot bo‘limi qonunchilik, O‘zbekiston Vazirlar Mahkamasi qarorlari, Respublika Oliy va o‘rta maxsus ta’lim vazirligi, nashriyotlar, poligrafiya va kitob savdosi bo‘yicha Davlat komiteti, shuningdek, institut rektori buyruqlariga amal qiladi.

TAHRIR-NASHRIYOT BO‘LIMINING ASOSIY VAZIFALARI

1. Tahrir-nashriyot bo‘limi quyidagi ishlarni nashrga tayyorlaydi: ilmiy ishlarning tematik to‘plamlari, konferensiyalar, simpoziumlar materiallari va tezislari, ma’ruzalar matni; darsliklar va o‘quv qo‘llanmalari faqat tor ixtisosliklar bo‘yicha chop etishi mumkin.

2. Ichki nashr ishlari: uslubiy tavsiyalar, ko‘rsatmalar, ishlanmalar, seminar darslarining rejalari va boshqa adabiyotlarni texnik ko‘rikdan o‘tkazadi.

3. Mualliflar hisobidan buyurtma asosida chop etiladigan ishlarni nashrga tayyorlaydi.

4. Ilmiy va ichki nashr adabiyotlarining nashr rejalari loyihalarini ilmiy bo‘lim tomonidan tuzilishida ko‘maklashadi va ularni tasdiqlash uchun institut rahbariyatiga hamda tegishli yuqori tashkilotlarga, vazirliklar, komitetlarga taqdim etilishida hamkorlik qiladi.

5. Institut rahbariyati va nashr kengashi topshirig‘i bilan qo‘lyozmalarni nashrga tayyorlaydi.

6. Adabiyotlarni tasdiqlangan reja asosida o‘z vaqtida chop etilishini ta’minlovchi tadbirlar ishlab chiqadi.

7. Ishlarga taqriz beradi (zarur hollarda yopiq) va tasdiqlash uchun institut rahbariyatiga havola etadi.

8. Ishlarning normativ hujjatlarga muvofiq rasmiylashtirish hamda sifatli chop etilishini nazorat qiladi.

9. Respublika Oliy va o‘rta maxsus ta’lim vazirligi hamda nashriyotlar, poligrafiya va kitob savdosi bo‘yicha Davlat komitetiga talabga ko‘ra hisobot beradi.

Bo‘lim boshlog‘i:

— bo‘lim faoliyatini boshqaradi, ilmiy va uslubiy adabiyotlarni, axborot va normativ xarakterdagi materiallarni tahrir va nashr etishni tashkillashtiradi, ularning mazmunini hamda ilmiy va texnik jihatdan talabga javob berishini nazorat etadi;

— mavzu yo‘nalishiga muvofiq nashr etiladigan adabiyotlarning yillik rejalari va istiqbol loyihalarini tuzadi. Bo‘lim faoliyatining yillik grafigini ishlab chiqadi va uning bajarilishini ta’minlaydi;

Muharrir (o‘zbek, rus tillari bo‘yicha, ish staji kamida 5 yil):

— ilmiy, uslubiy, axborot va normativ xarakterdagi materiallarni tahrir qiladi, yillik ish rejalari hamda istiqbol loyihalarini tuzishda ishtirok etadi. Qo‘lyozmalar bilan quyidagi tartibda ishlaydi:

— bo‘limga o‘z vaqtida topshirilishini nazorat etadi;

— hujjatlarni to‘g‘ri tuzilganligini tekshiradi;

— mazmunini, texnik jihatlarini nazorat qiladi;

Musahhih:

— muharrir rahbarligi ostida qo‘lyozmalarni texnik tomondan nashrga tayyorlaydi, qayta chop qilishda yo‘l qo‘yilgan xatolarni tuzatadi, matnda suratlar bo‘lsa ularni kerakli sahifalarga joylashtiradi, bo‘limning faoliyati bilan bog‘liq barcha materiallarni chop qiladi.

chop etish