Bosh sahifa Institut Fakultetlar

Ingliz tili – I fakulteti


Fakultet haqida umumiy ma'lumot:

Samarqand davlat chet tillar instituti rektorining 1995-yil 17-yanvarda 1-sonli buyrug‘iga asosan Ingliz filologiyasi fakulteti tashkil etildi. 2014-yil Xorijiy til (ingliz tili) va adabiyoti yo‘nalishi ochildi. Shu yildan boshlab “Ingliz tili fakulteti” deb nomlandi. Samarqand davlat chet tillar instituti Kengashining 2018-yil 25-oktyabrdagi 3-son bayoni bilan tasdiqlangan va Oliy va o‘rta maxsus ta’lim vazirligi bilan 2018-yil 2- noyabrda kelishilgan “Samarqand davlat chet tillar instituti tashkiliy tuzilmasi”ga asosan Ingliz tili fakulteti negizida “Ingliz tili I fakulteti” tashkil etildi.

O‘quv ishlari

Ingliz tili-I fakultetida ikkita ta’lim yo‘nalishi mavjud.

1. 5111400 – Xorijiy til va adabiyoti: ingliz tili

2. 5120200 – Maktabgacha va boshlang‘ich ta’limda xorijiy til: ingliz tili

1. 5111400-Xorijiy til va adabiyoti: ingliz tili ta’lim yo‘nalishi bo‘yicha jami 765 nafar talaba (193 nafari grant, 572 nafari to‘lov-kontrakt.) tahsil olmoqda. 765 nafar talabadan 200 nafari o‘g‘il bolalar (45 nafari grant, 155 nafari kontrakt), 565 nafarini qiz bolalar (148 nafari grant, 417 nafari kontrakt) tashkil etadi. Ushbu talabalarning 628 nafari o‘zbek guruhlarida, 137 nafari rus guruhlarida tahsil olmoqda

2. 5120200-Maktabgacha va boshlang‘ich ta’limda xorijiy til: ingliz tili ta’lim yo‘nalishi bo‘yicha jami 101 nafar talaba (18 nafari grant, 83 nafari to‘lov-kontrakt) tahsil olmoqda. 101 nafar talabadan 1 nafari o‘g‘il bola (1 nafar kontrakt), 100 nafarini qiz bolalar (18 nafari grant, 82 nafari kontrakt) tashkil etadi. Ushbu talabalarning 68 nafari o‘zbek guruhlarida, 33 nafari rus guruhlarida tahsil olmoqda

Fakultetda jami 4 ta mutaxassislik kafedralari mavjud.

1. Ingliz tili grammatikasi va tarixi

2. Ingliz tili va adabiyoti

3. Ingliz tili leksikologiyasi va stilistikasi

4. Ingliz tili o‘qitish metodikasi va amaliyoti

Ushbu kafedralarda 1 professor, 7 dotsent, 11 ta katta o‘qituvchi, 1 xorijlik mutaxassis va 38 ta o‘qituvchi faoliyat olib bormoqdalar.

Bugungi kunda fakultet Angliya, Rossiya Federatsiyasi, Amerika Qo‘shma Shtatlari hamda Toshkendagi Britaniya Kengashi va UzTEA tashkilotlari bilan yaqindan hamkorlik qilib kelmoqda. Bundan tashqari fakultet professor-o‘qituvchilari Respublika va xorijda malaka oshirib kelmoqdalar.

Yoshlar bilan ishlash va ma’naviy-ma’rifiy ishlar

O‘zbekiston Respublikasi Prezidentining «O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida» 2017-yil 7-fevraldagi PF-4947-son Farmoni va «Oliy ta’lim tizimini yanada rivojlantirish chora-tadbirlari to‘g‘risida» 2017-yil 20-apreldagi PQ-2909-son qarorida belgilangan vazifalar ijrosini ta’minlash hamda talaba va o‘quvchilarning ma’naviy-ma’rifiy, madaniy saviyasini muntazam oshirib borish, ularning o‘qishdan bo‘sh vaqtini mazmunli o‘tkazishini ta’minlash maqsadida Ingliz tili I fakultetida qator ma’naviy va ma’rifiy ishlar amalga oshirilib kelinmoqda.

Jumladan, Oliy va o‘rta maxsus ta’lim tizimida olib borilayotgan islohotlar bilan doimiy tanishtirilib borilmoqda. Yoshlarning bepul madaniy dam olishlariga qaratilgan tadbirlar, teatr tomoshalari, sport musobaqalari muntazam tashkil etilib kelinmoqda. Talaba va o‘quvchilar turizmini rivojlantirish, yosh avlodni mamlakatimizning tarixiy joylariga va buyuk ajdodlarimizning muqaddas ziyoratgohlariga doimiy tashriflari reja asosida uyushtirilib kelinmoqda.

Oliy va o‘rta maxsus ta’lim muassasalarida o‘tkaziladigan «Axborot va murabbiylik soatlari»ni metodik ta’minlanib, turli mavzularda multimedia mahsulotlari tarqatilib borilmoqda.

Professor-o‘qituvchilar, talaba va o‘quvchilar o‘rtasida huquqbuzarlik va korrupsiyaning oldini olishga qaratilgan ma’naviy-ma’rifiy targ‘ibot ishlarini muntazam yo‘lga qo‘yilgan.

Ingliz tili I fakulteti qoshida talabalarni bo‘sh vaqtlarini mazmunli o‘tkazish maqsadida quyidagi to‘garaklar faoliyat olib bormoqda;

  • “Intellektual yoshlar” zakovat klubi

  • “Quvnoq va zukko talabalar” klubi

  • “Paramount readers odyssey” kitobxonlar klubi

  • “Active Media” klubi

  • “Yosh jurnalistlar” klubi

  • “San’at gulshani” talabalar teatr studiyasi

  • “Sevimli ovoz” yoshlar san’at klubi

  • “Master Minds” iqtidorli yoshlar to‘garagi

  • “Yosh musavvirlar” talabalar ijodiy klubi

  • “Sehrli qalam sohiblari” talabalar ijodiy klubi

  • “Sog‘lom avlod” talabalar sport klubi

  • “Yangi davr kompyuter texnologlari” to’garagi

Ilmiy ishlar

Ilmiy tadqiqot – yangi bilimlarni ishlab chiqish jarayoni, bilish faoliyati turlaridan biri hisoblanadi. Unga obe’ktivlik, ishonchlilik, aniqlik xosdir. Bugungi kunda fakultetimiz ilmiy yo‘nalishi miqyosida boshqa OTMlar bilan hamkorliklar keng ko‘lamda amalga oshirilmoqda. Buning yaqqol namunasi sifatida fakultetimizning S.Ulug‘zoda nomidagi Tojikiston davlat universiteti, Chelyabinskiy davlat madaniyati institutlari bilan hamkorlik aloqalarini yo‘lga qo‘yganligini ko‘rishimiz mumkin. Talabalarning ilmiy salohiyatini yanada rivojlantirish uchun doimiy tarzda har bir kurslar uchun alohida to‘garaklar joriy qilingan. Bu to‘garaklar talabalarni ilmiy tadqiqot qilishlari uchun ko‘maklashadi. Fakultetda ustoz-shogird, iqtidorli talabalar bilan ishlash tizimi yo‘lga qo‘yilgan. Ularning tilshunoslikning turli sohalari, og‘zali va yozma tarjima, badiiy hikoya va she’riyat tarjimasi bilan shug‘ullanish, ilmiy maqolalar yozish kabi qobiliyatlarini rivojlantirish bo‘yicha davra suhbatlari, muloqotlar tashkil etiladi. Saralab olingan talabalar iqtidori va intilishiga ko‘ra to‘garaklarga jalb qilinib, qiziqqan mavzulari bo‘yicha ilmiy rahbarlar biriktiriladi.

FAKULTET MA'MURIYATI:


Ingliz tili fakulteti dekani:  Ismoilov Anvar Rustamovich

Qabul vaqti: Har kuni 14:00-17:00

Telefon: +99866 233 17 05

E-mail: anvar.ismailov@samdchti.uz

O'quv ishlari bo'yicha dekan muovini: Po’latov Behzod Yakubovich

Qabul vaqti: Har kuni 14:00-17:00

Telefon: +99891 529 47 48

E-mail: behzod@samdchti.uz

Yoshlar bilan ishlash, ma'naviyat va ma'rifat ishlari bo`yicha dekan o`rinbosari: Ergashev Mirsaid

Qabul vaqti: Har kuni 14:00-17:00

Telefon: +99893 7257875

E-mail: ergashevmb@samdchti.uz

 

 

 

FAKULTET KAFEDRALARI


Ingliz tili va adabiyoti kafedrasi
Ingliz tili tarixi va grammatikasi kafedrasi
Ingliz tili leksikasi va stilistikasi kafedrasi
Ingliz tili o`qitish metodikasi va amaliyoti kafedrasi

 

FAKULTETNING BAKALAVRIATURA YO'NALISHLARI


5111400 – Xorijiy til va adabiyoti: ingliz tili
5120200 – Maktabgacha va boshlang‘ich ta’limda xorijiy til: ingliz tili

 

FAKULTETNING MAGISTRATURA MUTAXASSISLIKLARI


5A111401 Xorijiy til va adabiyoti: ingliz tili
5A120103 Lingvistika: ingliz tili

 

 

chop etish