Kafedra mudiri v.v.b.: Erkinov Suhrob Erkinovich
Telefon raqami: +99897 9168213
Elektron pochtasi: sukhroberkinov@gmail.com
Kafedra tarixi
Kafedra 2017 yil 5 sentabrda institutda 5120100-Filologiya va tillarni o`qitish (imgliz tili) ta`lim yo`nalishi bo`yicha talabalar qabul qilinishi bilan “Ingliz tili nazariyasi va amaliyoti kafedrasi” sifatida tashkil topgan bo`lib, o’z faoliyatini Roman-german tillari fakulteti tarkibida boshladi.
Kafedra tarkibi
Kafedra 1 nafar fan doktori(DSc)(Nasrullayeva N.), 6 nafar f.f.n. va Phdlar(Usmonov O`., Asadov R., Usmonov F., Mirsanov G`., Shermatov A., Oblakulova M.), 2 nafar katta o`qituvchi (Abdullayeva L., Muzaffarova L.) hamda assistant va stajyor o`qituvchilar faoliyat ko`rsatadi. Kafedra o`qituvchilarining umumiy soni 38 nafar.
O'quv jarayoni
Kafedra 5120100 – filologiya va tillarni o’qitish(ingliz tili) bakalavr ta`lim yo’nalishi birinchi, ikkinchi, uchinchi va to’rtinchi bosqich talabalariga, shuningdek 5A120102-lingvistika(ingliz tili) magistratura mutaxassisligiga nazariy va amaliy darslarni o’qitadigan professor-o’qituvchilarni birlashtirgan.
Kafedrada “Asosiy o`rganilayotgan til”, “Mamlakatshunoslik”, “Til ko`nikmalari integratsiyasi”, “O`qish va yozish amaliyoti”, “Til aspektlari amaliyoti”, “Tili o`rganilayotgan mamlakatlar adabiyoti”, “O`rganilayotgan til nazariy aspektlari” kabi 20dan ziyod fanlardan 5120100-Filologiya va tillarni o`qitish(ingliz tili) ta`limy o`nalishi talabalariga o`quv mashg`ulotlari o`tkazib kelinmoqda. Bundan tashqari kafedraning yuqori malakali professor-o`qituvchilari tomonidan magistratura bo`limining lingvistika (ingliz tili) mutaxassisligiga “Zamonaviy lingvistika”, “Lingvomadaniyatshunoslikka kirish”, “Matn lingvistikasi” kabi 10dan ziyod fanlardan ma`ruza, seminar va amaliy darslari o`qitiladi.
Kafedraning ilmiy yo`nalishi
Kafedraning ilmiy yo`nalishi „Zamonaviy ingliz tilshunosligida lingvokognetiv va pragmasementik tadqiqotlar“ bo`lib bu yo`nalishda kafedra professor-o`qituvchilari tomonidan ko`plab ilmiy maqolalar, o`quv-uslubiy qo`llanmalar va monografiyalar chop etilgan.
Kafedradagi ilmiy-uslubiy ishlari "Diskursning sotsiolingvistik tahlili" magistral yo’nalishi bo’yicha amalga oshirilib, lingvistikaning turli aspektlarini qamrab olgan. Shu bilan birgalikda, kafedraning professor-o’qituvchilari kognitiv stilistikaning ahamiyati, stilistik figuralar va troplarning matnda qo’llanilishi, hamda inglizzabon adbiyotshunoslikda zamonaviy tendetsiyalar kabi mavzularda ilmiy izlanishlarini olib borishmoqda.
Ilmiy izlanishlar faoliyatiga iqtidorli talabalar ham jalb etilgan bo’lib, ular bilan kafedraning professor-o’qituvchilari ham yakka tartibda ham "Discover English" va "Badiiy matn tahlili" to’garaklar kesimida ishlar olib borishadi. Bir qator talabalar malakali professor-o’qituvchilar bilan birgalikda adabiy tarjima bilan ham shug’ullanishadi.
Kafedraning ilmiy-uslubiy faoliyati
O’zbekiston Respublikasi Prezidentining 2012 yil 10 dekabrdagi “Chet tillarni o’rganish tizimini yanada takomillashtirish chora-tadbirlari to’g’risida” gi PQ-1875-sonli qarori ijrosini amalga oshirish doirasida talabalarga amaliy kommunikativ ko’nikma shakllanishi uchun chet tilini o’qitish metodikasi va amaliyotini takomillashtirish bo’yicha kafedrada ko’plab amaliy ishlar olib borilmoqda. O’qitish amaliyotida ilg’or pedagogik tajribalar faol joriy etilmoqda. Xususan, kommunikativ kompetensiyalarga o’qitish CEFR (Umumevropa chet tilini egallash kompetensiyalari: o’rganish, o’qitish, baholash)ga muvofiq joriy etilgan. Bu o’qituvchilarning kommunikativ yondashuvni o’rganish bilan birga CEFR darajalari bo’yicha zamonaviy darsliklar joriy etilishiga imkon beradi. Shuningdek, kafedra o’qituvchilari mazkur qaror yuzasidan o’tkazib kelinadigan, turli seminar-treninglarda mutasaddilar qatorida faol qatnashib kelmoqda.
Kafedraning ma`naviy-ma`rifiy ishlari
Kafedra ma’naviy-ma’rifiy sohada ham faol. Institut va fakultet miqyosida o’tkazilib kelinadigan turli ma’naviy-ma’rifiy va tarbiyaviy tadbirlar, davra suhbatlari uyshtirib va faol qatnashib keladi. Bundan tashqari, ingliz tili nazariyasi va amaliyoti filologiyasi kafedrasida talabalar bilan ma’naviy-ma’rifiy va tarbiyaviy ishlar doirasida qiziqarli kechalar, tanlovlar hamda ekskursiyalar faol tashkil etilmoqda. 2013 yildan buyon Institut miqyosida an’anaviy tarzda o’tkazib kelinayotgan “TILLAR BELLASHUVI” tanlovida ingliz tili yo’nalishida tahsil olayotgan talabalar o’zlarining bilimlari va aktyorlik mahoratlarini namoyish etib kelayotganligi ham tahsinga sazovordir.
Kafedramiz o`qituvchilari 5120100 – filologiya va tillarni o’qitish(ingliz tili) bakalavr ta`lim yo’nalishi birinchi, ikkinchi, uchinchi va to’rtinchi bosqich guruhlariga murabbiylik qiladi. Barcha guruh murabbiylari o`zlari rahbarlik qilishayotgan guruh xujjatlarini ularga qo`yilgan talablarga mufofiq yuritishadi. Axborot va murabbiylik soatlari muntazam o`tkazib borilmoqda. Barcha guruh murabbiylarida tasdiqlangan ish rejalari mavjud. Talabalarning ota-onalari bilan tizimli ravishda uchrashuvlar tashkillashtirilib turilmoqda. Institut talabalar turar joyida rahbariyat tomonidan tasdiqlangan reja asosida turli mavzularda tadbirlar o`tkazilib borilmoqda. Ijarada yashovchi talabalardan doimiy xabar olish tizimli yo`lga qo`yilgan bo`lib, uy egalari bilan o`rnatilgan tartibda suhbatlar uyushtirib boriladi va tegishli bayonnomalar shakllari to`ldirib boriladi.
Kafedrada olib borilayotgan hamkorlik aloqalari:
Akademik litsey va kasb-hunar kollejlari bilan ishlash bo`yicha ingliz tili nazariyasi va amaliyoti kafedrasining faoliyati yaxshi yo`lga qo`yilgan. Samarqand davlat chet tillar instituti ingliz tili nazariyasi va amaliyoti kafedrasi professor-o`qituvchilari akademik litsey va kasb-hunar kollejlarida ta'limning innovatsion texnologiyalarini keng joriy etib kelmoqda. Ta'limning uzviyligi va uzluksizligini ta'minlashda kafedra institutimizning akademik litseyi va Jomboy yengil sanoat kolleji bilan o'quv-uslubiy hamkorlik shartnomalari o'rnatilib, o'quvchilarni OTMlarga jalb qilish hamda bitiruvchilarning bandligini ta'minlashda ish beruvchi korxonalar, tashkilotlar bilan uzviy amaliy innovatsion korporativ hamkorlikda faoliyat yuritib kelmoqda.
Kafedraga biriktirilgan kasb-hunar kollejlarida kafedraning filiallari tashkil etilgan.
Kafedra filiallarining maqsadi professor-o'qituvchilar bilan akademik litsey va kasb-hunar kollejlari o'qituvchilari hamkorligida o'quv jarayonining samaradorligini oshirishda pedagogik va axborot texnologiyalarini joriy etish, kollejlarda mutaxassislik fanlari o'qituvchilariga ilmiy rahbarlik qilish, hamkorlikda ilmiy izlanishlarni o'tkazish, kollejlarda yangi laboratoriya jihozlarini ishlatishga amaliy yordam berish, fanlardan yetishmaydigan darsliklar, o'quv qo'llanmalarni yaratish, amaliyot dasturlarini ishlab chiqish, davriy ravishda mutaxassislik fanlaridan o'quvchilarni kasbga yo'naltirish bo'yicha fakultativ darslar tashkil etish kabi o'quv-pedagogik, o'quv-uslubiy ishlarda amaliy yordam berishdan iborat.
Kafedraga biriktirilgan akademik litsey va kasb-hunar kolleji bo'yicha zaruriy ma'lumotlar, ARM lari fondi, o'quvchilarining ta'lim yo'nalishlari bo'yicha kontingenti, professor-o'qituvchilar tarkibi, ulardan ilmiy darajalilar, maxsus fan o'qituvchilari va ularning ilmiy salohiyati tahlil qilib boriladi.
Akademik litsey va kasb-hunar o'quvchilariga institutning ta'lim yo'nalishlari to'g'risidagi taqdimot materiallari doimo yetkazib berib kelinayapti hamda har yili yangi o'quv yiliga qabul boshlanish oldidan "Ochiq eshiklar" kuni tashkil etilib, litsey va kollej o'quvchilariga, shuningdek maktab o`quvchilariga ham tushuntirish ishlari olib borilayapti.
Kafedraga biriktirilgan kasb-hunar kollejlari bitiruvchilarini ishga joylashtirishda ish beruvchi korxona, tashkilot va qo'shma korxona rahbarlarining hamda viloyat o'rta maxsus kasb-hunar ta'limi boshqarmasi bilan hamkorlikda uchrashuvlar o'tkazilib kelinmoqda. Uchrashuvda ish beruvchilarga bitiruvchilar to'g'risidagi taqdimot materiallari taqdim qilinadi. Kollej o'quvchilarini 2-kursdan boshlab amaliyotga yuborishda kelgusida ish beruvchi tashkilot sifatida tuzilgan uch tomonlama shartnomaga muvofiq bitiruvchilarni ish bilan ta'minlash ko`zda tutilgan.