Fakultetda ma’naviy-ma’rifiy ishlarni tizimli tashkil etish, bu borada amalga oshirilayotgan chora-tadbirlarning samaradorligini oshirish,  talaba  yoshlarning intellektual salohiyati, ongu tafakkuri va dunyoqarashini yuksaltirish, mafkuraviy immunitetini mustahkamlash, vatanparvarlik, xalqqa muhabbat va sadoqat tuyg‘usi bilan yashaydigan barkamol avlodni tarbiyalashga alohida e’tibor qaratilmoqda. Fakultetda ma’naviy-ma’rifiy va tarbiya sohasida amalga oshirilishi lozim bo‘lgan ishlar ustuvor yo‘nalishlarda muntazam olib boriladi.

Fakultetda muntazam ilmiy anjumanlar, seminarlar tashkil etiladi va mazkur anjuman va seminarlarda professor-o’qituvchilar o’zlarining ilmiy-tadqiqot ishlari bilan faol ishtirok etib borishadi. Fakultet ilmiy ishlari rejasi asosida kafedralarda muntazam ravishda ilmiy anjuman va seminarlar o‘tkaziladi. Fakultet professor-o’qituvchilari va talabalari domiy xalqaro va Respublika miqyosidagi ilmiy-amaliy anjumanlar, ilmiy jurnallarda o’z maqolalari bilan ishtirok etib kelishmoqda.
Fakultetda ustoz-shogird, iqtidorli talabalar bilan ishlash tizimi yo‘lga qo‘yilgan. Ularning tilshunoslikning turli sohalari, og’zaki va yozma tarjima, badiiy hikoya va she’riyat tarjimasi bilan shug‘ullanish, ilmiy maqolalar yozish kabi qobiliyatlarini rivojlantirish bo‘yicha davra suhbatlari, muloqotlar tashkil etiladi. Har yilgi an’anaga ko’ra xorijlik mutaxassislar rahbarligida to’garaklar tashkil etiladi va xorijiy mamlakarlarning madaniyati urf-odatlari haqida chuqur bilim va ko’nikmalar beriladi. Saralab olingan talabalar iqtidori va intilishiga ko‘ra to‘garaklarga jalb qilinib, qiziqqan mavzulari bo’yicha ilmiy rahbarlar biriktiriladi.