Samarqand davlat chet tillar institutida 2021-yilning 20-yanvar kuni XXVI spartakiadasining 4-tur, “Basketbol” musobaqasi bo’lib o’tdi va unda institut hamda institut akademik litseyining professor-o‘qituvchilari, shuningdek, xodimlari ishtirok etishdi.

Bo‘lib o‘tgan ushbu bosqichda faxrli birinchi o‘rinni “Ingiliz tili-I” fakulteti, ikkinchi faxrli o‘rinni “Roman-german tillari” fakulteti jamoasi, uchinchi faxrli o‘rinni “Tarjima nazariyasi va amaliyoti” fakulteti jamoalari egallashdi.

Ahamiyatlisi, bu yilgi musobaqalar har yilgidan ham ko‘ra ko‘tarinki kayfiyatda tashkil etilmoqda. Shu kabi musobaqalarning o‘tkazilishi salomatligimizga, sog‘ligimizga foydali bo‘libgina qolmasdan, ko‘ngil ochar dastur ham hisoblanib, madaniy hordiqdir. Agar siz ushbu musobaqalarda ishtirok etmagan bo‘lsangiz, keyingilarida, albatta, ishtirok etishingizni tavsiya etamiz. Navbatdagi musobaqa sportning “Gandbol” turi bo’yicha 2021-yilning 27-yanvar kuni bo’lib o’tishini ma’lum qilamiz.