Bugun, 15-mart kuni Samarqand davlat chet tillar institutida rahbariyat vakillari, fakultet dekanlari, dekan o’rinbosarlari, kafedra mudirlari hamda bo’lim boshliqlari ishtirokida ZOOM dasturi orqali onlayn yig’ilish o’tkazildi.

Yurtimizning ayrim hududlarida Koronavirus COVID – 19 ning yangi turi ko’payishi bois karantin choralarini ko’rish, tibbiy niqob (maska), antiseptik vositalarni kirish-chiqish joylariga qo’yish va nazoratga olish, shuningdek, professor-o’qituvchilar, ishchi xodimlar hamda talabalarning kiyinish madaniyatiga amal qilishlari kabi masalalari yig’ilish qatnashchilari o’rtasida muhokama qilindi.

— taʼlim muassasasiga kirish va chiqish qatʼiy nazorat qilinadi, har bir o’quv binolari hamda barcha kirish-chiqish joylari antiseptik vositalar bilan taʼminlanadi.

— har bir talaba, professor-oʼqituvchi va xodimning tibbiy niqobda yurishi qatʼiy nazoratga olinadi, niqobsiz holda taʼlim muassasasiga kiritilmaydi.

— talabalar hamda o’quvchilar bilan oʼtkaziladigan barcha turdagi tadbirlarda karantin qoidalariga qatʼiy amal qilinadi. Shuningdek, o’quv kurslariga keladigan o’quvchilar ham karantin qoidalariga qat’iy amal qilgan holda ishtirok etadi.

— jamoat joylarida karantin qoidalariga qat’iy amal qilish lozimligi boʼyicha o’quvchilar hamda talabalar o’rtasida tushuntirish ishlari olib boriladi.

— Institutdagi barcha bino, inshoot va zarur jihozlar muntazam dezinfeksiya qilinadi.

— talabalar turar joylari va yotoqxonalarda istiqomat qilayotgan talaba va oʼquvchilar gigiyena vositalari bilan taʼminlanadi.

— mehnat qonunchiligida belgilangan tartibda har bir talabalar turar joyiga doimiy nazorat qiluvchi masʼuliyatli vakillar biriktiriladi.

— talabalar turar joylaridagi tibbiyot xonasi gigiyena vositalari va kerakli dori-darmonlari bilan taʼminlanib, u yerda navbatchi shifokor faoliyati yoʼlga qoʼyiladi.

Yuqoridagi masalalarning barchasi yig’ilish davomida asosiy vazifalar sifatida qat'iy belgilab olindi.