Bugun, joriy yilning 13-avgust kuni Samarqand davlat chet tillar institutining magistratura mutaxassisliklariga o’qishga kirish maqsadida hujjat topshirgan abituriyentlar uchun mutaxassislik fanlaridan imtihon jarayonlariga start berildi.

Jumladan, bugungi, ya’ni 1-navbatdagi (smenadagi) imtihonlar “Sinxron tarjima (ingliz tili)” hamda “Badiiy tarjima (ingliz tili)” mutaxassisliklari uchun o’tkazilib, unda 1-, 2-, 3-guruhlardagi abituriyentlar ishtirok etishmoqda.

Imtihon jarayonlariga jami bo’lib 100 nafar abituriyent qatnashishi belgilangan edi, ammo 25 nafar abituriyent imtihonga kelmaganligi sababli 75 nafar talabgaorlar ishtirok etishdi.

SamDCHTI Axborot xizmati