Samarqand shahrida joylashgan 78, 80 hamda 82-saylov uchastkalarida ham prezidentlikka nomzodlarga ovoz berish jarayonlari yakunlandi.

78-saylov uchastkasida jami 2218 nafar saylovchi ro'yxatdan o'tgan  bo'lib, ulardan 18 nafari muddatidan oldin ovoz bergan bo'lsa, jismoniy imkoniyati cheklangan 22 nafar saylovchining o'z xonadonlaridan turib ovoz berishlari ta'minlandi.

80-saylov uchastkasida umumiy hisobda 2662 nafar saylovchilar ro'yxatga olingan bo'lib, shundan 39 nafari muddatidan oldin ovoz bergan.  Saylovchilarning eng yoshi kattasi 96 yosh.

82-saylov uchastkasida esa umumiy saylovchilar soni 2045 nafarni tashkil etib, ulardan 18 nafar saylovchi muddatidan oldin ovoz bergan. 

Ushbu saylov uchastkalarida ovozlarni sanash jarayonlari davom etmoqda.