Joriy yilning 22-dekabr kuni “ETA Uzbekistan” nomli ko’ngilli jamiyatning asoschisi va faol a’zosi,  Xalqaro Birlashgan Millatlar Modeli konkursining 7 karra g’olibi, dunyoning nufuzli platformalarida va respublika bo’ylab ko’plab seminar-treninglarning tashkilotchisi Feruz Akbarov Samarqand davlat chet tillar institutida bo’ldi.

Jumladan, institut talaba-yoshlari bilan “How to become a good public speaker in English” mavzusida davra suhbati tashkil etildi. Talabalarga notiqlik san’atiga ega bo’lish yo’l-yo’riqlari haqida batafsil ma’lumotlar berildi va shxsiy tajriba asosida duch kelinishi mumkin bo’lgan muammolarga qay tarzda yondashib bartaraf etish, shuningdek, xorijiy tilda muvaffaqiyatli notiq bo’lish sirlari batafsil yoritib berildi.

SamDCHTI Axborot xizmati