2018 yil 27 aprel kuni ingliz tili va roman-german tillari fakultetlarida “Yoshlar orasida giyohvandlik vositalarining tarqalishiga qarshi kurash” mavzusida huquqiy targ‘ibot tadbiri bo‘lib o’tdi.

Tadbirda ma’naviy-ma’rifiy ishlar bo‘yicha prorektor v.b. A.Eshqobilov, ingliz tili fakulteti ma’naviy-ma’rifiy ishlar bo‘yicha dekan o’rinbosari Q.Hakimov, roman-german tillari fakulteti ma’naviy-ma’rifiy ishlar bo’yicha dekan o’rinbosari O’.Sattorov, ma’naviyat va ma’rifat, iqtidorli yoshlar bilan ishlash bo‘limi boshlig‘i Sh.Suyunov va O‘zbekiston Respublikasi IIV Akademiyasi kunduzgi ta’lim 4-o‘quv kursi 3 nafar kursantlari ishtirok etdi.

Tadbirda so‘zga chiqqanlar yosh avlod tarbiyasi, ularning jismonan va aqlan sog’lom bo’lishiga alohida e’tibor qaratish, yoshlar orasida giyohvandlik vositalarining tarqalishiga qarshi kurash bo'yicha talabalarga tushunchalar berdi.