Joriy yilning 29, 30, 31-may kunlari Qozogʻiston Respublikasi Nur Sultan shahri L.N. Gumilyov nomidagi Yevrosiyo universitetida Birlashgan millatlar tashkiloti modeli (MUN) xalqaro konferensiyasi boʻlib oʻtdi. 
Dunyoning 15 dan ortiq mamlakatlaridan tashrif buyurgan delegat yoshlar oʻzlarining hozirgi paytda jahonda kechayotgan muammolar yuzasidan fikr-mulohazalarini almashishdi. Samarqand davlat chet tillar instituti Ingliz tili-II fakulteti talabasi Barno Roʻziqulova ham ushbu konferensiyada ishtirok etib, "Eng yaxshi diplomat" ("The best diplomacy Award") nominatsiyasi boʻyicha taqdirlandi.

Samarqand davlat chet tillar instituti matbuot xizmati