Kelajak avlodni jamlashtirding sen,
Bir maqsad yo'lida birlashtirding sen,
Madhingga baralla ash'or bitgay men,
Sen bilim maskani, maqsadsan oliy,
Dargohim, yigirma besh yoshing muborak!

Ming-minglab qaldirg'och kelar sen tomon,
Lochinlar kashf qilding, qilarsan hamon,
Biz seni asraylik, sen bo'lgin omon,
Poydevor qurgani maqsadsan oliy,
Dargohim, yigirma besh yoshing muborak!

Samarqand davlat chet tillar institutining 25 yoshga to‘lganlik munosabati bilan institutda katta tadbir o‘tkazildi hamda tadbirda butun institut jamoasi ishtirok etdi. Tadbir barcha fakultetlar bo‘ylab keng miqiyosida nishonlandi va avval xabar berganimizdek, to‘rt yo‘nalishda e’lon qilingan tanlovlar ishtirokchilari ijod namunalarining taqdimotlarini o‘tkazishdi. Jumladan, sportning bir nechta turi bo‘yicha musobaqalar ham tashkil etildi.

Tadbir davomida institutda ko‘p yillar davomida faoliyat ko‘rsatib kelayotgan professor-o‘qituvchilar, shuningdek, talabalar o‘rtasida o‘tkazilgan tanlov g‘oliblari, tadbir doirasidagi ko‘rgazmalarni hamda tadbirni tashkil etishda fidoiylik ko‘rsatgan xodimlar, sport musobaqalari g‘oliblari munosib ravishda esdalik sovg‘alar va maxsus diplomlar bilan taqdirlanishdi.