Joriy yilning 12-noyabr kunida Samarqand davlat chet tillar institutiga Germaniyaning “Praktikum 4People” tashkiloti direktori Heike Wiethop va mazkur firma mutaxassisi Oybek Hamdamovlar tashrif buyurishdi. Jumladan, tashrif buyurgan mehmonlar hamda institut o‘quv va tarbiyaviy ishlar bo‘yicha prorektor F.Ro‘ziqulov, xalqaro hamkorlik bo‘limi boshlig‘i B.Berdialiyevlar ishtirokida rasmiy uchrashuv tashkil etildi. 

Ucharshuv davomida o‘zaro hamkorlik aloqalarini, ya’ni fan, ta’lim, ilmiy tadqiqot sohalarida aloqalarni yo‘lga qo‘yish, shuningdek, “Praktikum 4People” tashkiloti tomonidan taklif etilayotgan talabalarning yozgi ta’til vaqtida Germaniya tashkilotlarida stajirovkasini tashkil etish  bo‘yicha hamkorlik Memarandumi imzolandi.  

SamDCHTI matbuot xizmati