Joriy yilning 28-noyabr kunida “Xalqaro fransuz tili o’qituvchilari kuni” munosabati bilan Samarqand viloyati OTMlarida hamda maktablarda fransuz tilidan dars beruvchi o’qituvchilar ishtirokida Samarqand davlat chet tillar institutida tantanali katta tadbir nishonlandi.

Tadbirni Samarqand davlat chet tillar instituti rektori I.M.Tuxtasinov kirish so’zi bilan ochib berdi hamda nafaqat Samarqand viloyatidagi balki yurtimiz bo’ylab fransuz tilidan ta’lim berib, faoliyat ko’rsatayotgan xorijlik hamda mahalliy professor-o’qituvchilarni chin dildan tabrikladi va ularga kelgusidagi faoliyatida omad hamda muvaffaqiyatlar tiladi.

Tadbir davomida turli xil sahna ko’rinishlari, fransuz milliy raqs hamda jonli qo’shiq ijrolari institut faransuz tili yo’nalishida tahsil oluvchi talabalar tomonidan irjo etildi.

Tadbirni tashkil etishda hamda uni ko’tarinki kayfiyatda o’tkazishda Samarqand davlat chet tillar instituti “Fransuz tili va adabiyoti” kafedrasi professor-o’qituvchilarining tashabbusi alohida ahamiyatga egadir.