Abu Mansur al-Moturidiy – imom, fiqh olimi, kalom ilmining moturidiylik oqimi asoschisi. "Imom al-hudo", "Imom al-mutakallimin" ("Hidoyat yoʻli imomi", "Mutakallimlar imomi") nomlari bilan ulugʻlangan. Mamlakatimizda Moturidiy merosini oʻrganishga faqat mustaqillikdan keyingina kirishildi. OʻzR Vazirlar Mahkamasining qaroriga binoan 2000-yilda Moturidiy tavalludining 1130 yilligi Oʻzbekistonda keng nishonlandi. Davlatimizning muhtaram birinchi Prezident I.Karimov tashabbusi bilan Samarqandda alloma xotirasiga yodgorlik majmui bunyod etildi.

Allomaning hayot yo‘li va ijodiy faoliyatiga bag‘ishlanib 2020-yilning 2-4 mart kunlari Samarqand shahrida “Imom Abu Mansur Moturidiy va moturidiya ta’limoti: o‘tmish va bugun” mavzusida xalqaro konferenasiya bo‘lib o‘tmoqda. Ushbu konferensiyaga xorijdan ham nufuzli mehmonlar tashrif buyurishgan. Yurtimizning milliy merosi bo‘lmish tarixiy obidalarimiz hamda madaniy yodgorliklarimiz, urf-odatlarimiz, an’analarimiz, Moturidiy hamda shu kabi buyuk ajdodlarimiz ilmiy-ijodiy asarlari mazmun-mohiyatini xorijlik mehmonlarga yetkazish, shahrimizning diqqatga sazovor joylari bilan tanishtirish maqsadida Samarqand davlat chet tillar institutidan malakali tarjimon-volontyorlar saralab olindi.

Institut rektori I.M.Tuxtasinov tarjimon-volontyorlar bilan uchrashuv o‘tkazdi va ularga o‘z tajribasini ulashish bilan bir qatorda belgilangan taklif va ko‘rsatmalar to‘g‘risida so‘zlab o‘tdi.