Joriy yilning 24-may kuni, O‘zbekiston Respublikasining 2017-yil   3-yanvardagi № 419-sonli “Korrupsiyaga qarshi kurashish to‘g‘risida”gi Qonuni, O‘zbekiston Respublikasi Prezidentining 2020-yil 29-iyundagi “O‘zbekiston Respublikasida korrupsiyaga qarshi kurashish tizimini takomillashtirish bo‘yicha qo‘shimcha chora-tadbirlar to‘g‘risida”gi PF-6013 Farmoni, 2020-yil 31-dekabrdagi “Korrupsiyaga oid huquqbuzarlik haqida xabar bergan yoki korrupsiyaga qarshi kurashishga boshqa tarzda ko‘maklashgan shaxslarni rag‘batlantirish tartibi to‘g‘risidagi nizomni tasdiqlash haqida”gi 829-son Vazirlar Mahkamasining Qarori, O‘zbekiston Respublikasi Oliy va o‘rta maxsus ta’lim vazirligining 2021-yil 5 martdagi 120-sonli hamda 2021-yil 28-iyundagi 281-sonli buyruqlarida belgilangan vazifalar ijrosi yuzasidan Korrupsiyaga qarshi kurashish “Komplayens nazorat” tizimini boshqarish bo‘limi boshlig‘i M.Sodiqov va bosh mutaxassisi F.Abdurahmonovlar tomonidan Samarqand davlat chet tillar instituti Roman-german tillari fakulteti talabalari bilan davra suhbati o‘tkazildi.

Yig‘ilishda Korrupsiyaga qarshi kurashish “Komplayens nazorat” tizimini boshqarish bo‘limi xodimlari tomonidan O‘zbekiston Respublikasi “Korrupsiyaga qarshi kurashish to‘g‘risida”gi Qonuni, O‘zbekiston Respublikasi Prezidentining PF-6013 son Farmoni hamda Vazirlar Mahkamasining 829-son Qarori to‘g‘risida batafsil ma’lumot berib o’tildi.

Shu bilan bir qatorda, O‘zbekiston Respublikasi Oliy va o‘rta maxsus ta’lim vazirligining 2021-yil 5-martdagi 120-sonli hamda 2021-yil 28-iyundagi 281-sonli buyruqlari asosida institutda tashkil etilgan  Korrupsiyaga qarshi kurashish “Komplayens nazorat” tizimini boshqarish bo‘limining maqsad va vazifalari, institutda korrupsion holatlarning oldini olish borasida amalga oshirilishi lozim bo‘lgan chora-tadbirlar, institut rahbariyati bilan hamkorlikda amalga oshiriladigan ishlar, kelgusidagi rejalar haqida qisqacha to‘xtalib o‘tildi. Shuningdek, O‘zbekiston Respublikasi Jinoyat Kodeksining “Boshqaruv tartibiga qarshi jinoyatlar” – XV bobida keltirilgan korrupsiyaga oid 168-, 205-214 moddalari va ularga qo‘llanadigan sanksiyalar tanishtirilib, yana bir bor talabalar ogohlikka da’vat etildi. Yig‘ilish oxirida talabalarni qiziqtirgan savollarga javoblar berildi hamda ular orasida so‘rovnomalar o‘tkazildi.

SamDCHTI Axborot xizmati