Samarqand davlat chet tillar institutida institut rektori, prorektorlar, fakultet dekanlari, bo‘lim boshliqlari hamda kafedralar mudirlari ishtirokida istiqboldagi rejalarni amalga oshirish borasida yig‘ilish bo‘lib o‘tdi.

2022/2023 o’quv yili qabul jarayonlariga tayyorgarlik ko’rish, yozgi ta’til davomida talabalarning bo’sh vaqtini mazmunli o’tkazish, professor-o’qituvchilar hamda talabalarni xorijning nufuzli oliygohlariga stajirovkalarga yuborish, institutda axborot xizmati faoliyati samaradorligini yanada oshirish, ommaviy axborot vositalarida talabalar va professor-o’qituvchilarning chiqishlarini tashkil etish, “Yangi O’zbekiston yoshlari, birlashaylik” shiori nomli yoshlar festivalini yuqori saviyada o’tkazish kabi masalalar bugungi yig’ilish kun tartibidan o’rin oldi.

Shuningdek, yangi o’quv yiliga barcha o’quv binolari va talabalar turar joylarini hamda kutubxonalarni tayyorlash borasida har bir mas’ulga ko’rsatmalar berildi.