2023-yil 17-23-iyul kunlari barcha hududlarda 8 ta oliy ta’lim muassasasining tegishli ta’lim yo‘nalishlariga o‘qishga kirish uchun chet tilidan ijodiy imtihon o‘tkazilishi to'g'risida xabar berilgan edi.

Imtihon sinovlari 2 bosqichda tashkil etilib, 1-bosqichda gapirish ko‘nikmasini baholash imtihoni — 17-20-iyul kunlari kompyuter orqali topshiriladi, 2-bosqichda tinglab tushunish, o‘qish va yozish ko‘nikmalarini baholash imtihoni — 21-23-iyul kunlari qog‘oz shaklda bo‘lib o‘tadi.

Bugun, 17-iyul kuni Samarqand davlat chet tillar institutiga hujjat topshirgan abituriyentlar ijodiy imtihonlarining 1-bosqichi boshlandi. Imtihonlarning shaffof va adolatli bo’lib o’tishida nazoratchilar biriktirilgan va IIB xodimlari ham mas’ul etib belgilangan.

SamDCHTI Axborot xizmati