Bugun, 6-yanvar kuni Samarqand davlat chet tillar instituti rektori v.v.b. Fazliddin Ro’ziqulov Sharq tillari hamda Ingliz filologiyasi va tarjimashunoslik fakultetlari dekanlari, kafedra mudirlari hamda professor-o’qituvchilar ishtirokida yig’ilish o’tkazdi. 

Unda institut bitiruvchilarning xorijiy tilni bilish darajasi boʼyicha xalqaro tan olingan sertifikat olishlarini taʼminlash, yuqori malakali va xorijiy til bilish sertifikatiga ega boʼlgan professor-oʼqituvchilar tarkibini kengaytirish, talabalar uchun xorijiy tillarni oʼrganish boʼyicha qoʼshimcha adabiyotlarni tavsiya etish kabilar muhokama qilindi.

Jarayon davomida professor-o’qituvchilarga o’quv jarayonida mas’uliyatli bo’lish uqtirildi, shuningdek, o’z vazifasiga sovuqqonlik bilan yondashgan yoki o’z vazifasini suiite’mol qilgan o’qituvchi yoki xodimga nisbatan jiddiy chora ko’rilishi alohida ta’kidlandi.

SamDCHTI Axborot xizmati