Roman-german tillari fakultetining nemis tili va adabiyoti kafedrasi a’zolari muntazam ravishda Samarqand shahri va viloyat tumanlaridagi maktablarga tashrif buyurishmoqda. Kafedra pedagog-xodimlari maktab o‘qituvchilari va o‘quvchilari bilan uchrashuvlar tashkil etib, ularga ta’lim sohasidagi yangiliklar haqida ma’lumotlar berishmoqda.

Shu bilan birga Respublikamiz hayoti, xorijdagi yangiliklarga bag‘ishlangan davra suhbatlari ham uyushtirilmoqda. Hozirgacha kafedra a’zolari Samarqand tumanidagi 34, 17-maktablar, Tayloq tumanidagi 15-maktab, Samarqanda shahridagi 19, 51, 75, 80-maktablarida master-klass darslari tashkil etildi.

Navbatdagi tashrif Urgut tumanidagi 143-maktabga bo‘ldi. Maktab o‘quvchilari va o‘qituvchilari pedagog-xodimlarimizni samimiy kutib olishdi. Bu maktabda ham master-klass darslari tashkil etildi, o‘quvchilar va o‘qituvchilar bilan savol-javob tarzida uchrashuv tashkil etildi. Kafedra a’zolari keyingi tashriflarini viloyatimizning chekka qishloqlarida joylashgan maktablarga buyurishni rejalashtirgan.