Joriy yilning 14-noyabr kunida Samarqand davlat chet tillar institutida Adliya boshqarmasi, institut yoshlar bilan ishlash, ma’naviyat va ma’rifat bo‘limi, institut yoshlar ittifoqi, iqtidorli talabalar bilan ishlash bo‘limi hamda mavjud siyosiy partiyalar hamkorligida “Saylov – demokratiya ko‘zgusi” shiori ostida ochiq muloqot o‘tkazildi.

Ochiq muloqot davomida 2019-yildagi bo‘lib o‘tadigan saylovning o‘ziga xos xususiyatlari, jumladan, quyidagilar:

— Bu yilgi saylovlar yagona Saylov kodeksi asosida tartibga solinadi;

— Oliy majlis qonunchilik palatasi, xalq deputatlari, viloyat tuman va shahar Kengashlariga saylovlarda 5 ta siyosiy partiya ishtirok etadi;

— Saylovlarda ishtirok etuvchi fuqarolar Qonunchilik palatasi saylovi bo‘yicha 150 ta saylov okrugidan qo‘yilgan nomzodlar uchun ovoz berishadi;

— Mazkur saylovda ishtirok etuvchi saylovchilar oldingilaridan ko‘pchilikni tashkil etadi;

— Saylovlarda fuqarolarning ovoz berish huquqini yanada kafolatlash maqsadida ijtimoiy xavfi katta bo‘lmagan, unchalik og‘ir bo‘lmagan jinoyat sodir etgan shaxslarning saylash huquqini amalga oshirish kabilar haqida siyosiy partiya vakillari tomonidan gapirib o‘tildi.