O‘zbekiston Respublikasining Davlat bayrog‘i to‘g‘ri to‘rtburchak shakldagi matoda aks etgan bo‘lib, uchta asosiy gorizontal rangdor bo‘laklarga bo‘lingan. Ular: yorqin moviy, oq, yorqin yashil. Bu bo‘laklar orasini ikkita qizil rangdagi gorizontal chiziqlar ajratib turadi.

Oʻzbekiston Respublikasining Davlat bayrogʻi ramzi mamlakat hududida ilgari mavjud boʻlgan gʻoyat qudratli saltanatlar bayroqlariga xos boʻlgan eng yaxshi anʼanalarni davom ettirgan holda respublika tabiatiga xos xususiyatlarni, xalqimizning milliy va madaniy oʻzligini ham aks ettiradi.

Mazkur sanada Samarqand shahrida O‘zbekiston Respublikasi Davlat bayrog‘i kuni tantanali ravishda keng miqiyosida nishonlanmoqda. Tadbirni viloyat hokimi E.Turdimov tabrik so‘zlari bilan ochib berdi. Tadbir doirasida viloyatdagi barcha davlat tashkilotlari hamda oliy ta'lim muassasalari vakillari ko‘tarinki kayfiyatda ishtirok etishmoqda.

SamDCHTI matbuot xizmati