Samarqand davlat chet tillar institutida “Yangi yilning sehrli oqshomi” deb nomlangan tantanali yangi yil shousi o‘tkazildi. Unda butun institut jamoasi ishtirok etdi. Tadbirni yoshlar bilan ishlash bo‘yicha prorektor O.G‘aybullayev ochib berdi va barchani yaqinlashib kelayotgan Yangi yil bayrami bilan chin yurakdan tabrikladi.

Tadbir davomida talabalardan iborat “New talents”, “Dragons”, “Jingle bells”, “Shaddot qizlar”, “Golden star” nomli jamoalar ishtirok etib, o‘zlarining chiqishlari, sahna ko‘rinishlarini, yangi yil qo‘shiqlarini, tabassumga ega QVZ shoularini mohirona tarzda namoyish etishdi.

Shuningdek, “Eng faol o‘qituvchi”, “Eng targ‘ibotchi o‘qituvchi” nominatsiyalari bilan institut o‘qituvchilari, “Eng quvnoq talaba”, “Eng bilimdon talaba” nominatsiyalari bilan institut talabalari, jumladan, tadbirda foal ishtirok etganlar maxsus diplom va qimmatbaho sovg‘alar bilan taqdirlanishdi.