AQShning Vebster universiteti Prezidenti professor Elizabet Strobl xonim va universitet prorektori professor Julian Shusterlar Samarqand shahriga tashrif buyurdi. Tashrif davomida mehmonlarga Ilxomjon Madaminovich hamda Muhiddin Egamberdievichlar hamrohlik qilishdi. Mehmonlar Samarqandga tashrifidan juda mamnun ekanligi, shaharning go‘zalligi hamda tarixiy obidalarining jozibadorligi o‘zlarida katta taassurot qoldirganligini ta’kidladi.
2019/2020 o‘quv yilida SamDChTI bazasida AQShning Vebster universitetining “Ingliz tilini ikkinchi chet tili sifatida o‘qitish” magistratura mutaxassisligi tashkil etildi va hozirda 28 nafar talaba tahsil olmoqda. Vebster Universiteti rahbariyati Samarqand shahridagi boshqa oliy ta’lim muassasalari bilan ham ta’lim, fan, ilmiy tadqiqot va boshqa sohalarida ham hamkorlik aloqalarini o‘rnatish niyatida ekanligini bildirdi.