O‘zbekiston Respublikasi Prezidentining joriy yil 6-noyabrdagi “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘g‘risida”gi Farmoniga muvofiq viloyat xalq ta’limi tizimida sifat va samaradorlikni, ta’lim-tarbiyaning mazmun-mohiyatini boyitish yo‘lida ko‘plab ijobiy ishlar amalga oshirilib kelinmoqda.

Xususan, umumiy o’rta ta’lim maktablari o’zaro hamkorlikda oliy ta’lim muassasalariga biriktirilgan bo‘lib, Samarqand davlat chet tillar instituti professor-o‘qituvchilari ilg‘or o‘qitish metodikasi, uslublari, xorijiy tajribalarni maktablardagi ta’lim jarayoniga mos ravishda tadbiq etgan holda metodik yordam bermoqda.

Shu munosbat bilan 2, 8, 9, 30-umumiy o‘rta ta’lim maktablarining o‘qituvchi va o‘quvchilarga institut professor-o‘qituvchilari ochiq darslar o‘tishmoqda.

Chet tilini yanada yaxshi o‘zlashtirishda maktab o‘qituvchilari uchun institut ustozlari o‘zlarining bilim va tajribalaridan ulashishmoqda va texnologik vositalarni qo‘llashda kreativ yondoshish usullari orqali darslarni tashkil etishmoqda.