Ayni paytda Samarqand davlat chet tillar institutida Germaniyaning Humboldt universiteti, Italiyaning Neapol Sharqshunoslik universiteti va boshqa Evropa universitetlaridan taklif etilgan 11 nafar talabalar o‘zbek tili va madaniyatini o‘rganishmoqda. 

Xorijlik talabalar uchun tashkil etilgan 8-sentabrdan 29-sentabrgacha davom etadigan ushbu o‘quv kursida talabalar nafaqat SamDCHTIda o‘zbek tilini o‘rganishmoqda, balki xalqimiz urf-odatlari va madaniyati, mamlakatimiz tarixi va madaniy yodgorliklari bilan ham tanishishmoqda. 

Shuningdek, 19-sentabr kuni talabalar Samarqanddagi san’at kollejiga tashrif buyurishib, milliy musiqa asboblari bilan yaqindan tanishishdi, kollej talabalari bilan musiqa ijro etishdi hamda farg‘onacha, buxorocha, xorazmcha va surxoncha milliy raqslarga tushishni o‘rganishdi. 

SamDCHTI axborot xizmati