Bugun Samarqand viloyat Davlat xavfsizlik xizmati boshqarmasi tashabbusida hamda Samarqand shahar hokimligi, Mahalla va oilani qo'llab-quvvatlash bo'limi, shuningdek, Samarqand davlat chet tillar instituti hamkorligida sportning “Mini futbol” turi bo‘yicha Samarqand shahridagi «Dinamo» markaziy stadionida musobaqa tashkil etildi.

Musobaqada «O‘rtaxo‘jasoat» (Samarqand shahri), «Hovuzak» (Past Darg‘om tumani) jamoalari ishtirok etishdi va o’zaro bellashdilar. Bugungi bo’lib o’tgan o’yin final o’yini bo’lib, unda viloyatning yosh-u qarisi, professor-o’qituvchilar hamda talabalar ishtirokchi jamoalarni qo’llab-quvvatlab, olqishlab turishdi.

Natijalarga ko’ra, Samarqand shahrining «O‘rtaxo‘jasoat» futbol jamoasi 7 ta Gol, Past Darg‘om tumanining «Hovuzak» futbol jamoasi esa 5 ta Gol urishgan. Ko’rib turganingizdek, 7 ta Gol bilan «O‘rtaxo‘jasoat» jamoasi g’oliblikni qo’lga kiritdi. Jamoalarga tashkilotchilar tomonidan qimmatbaho sovg'alar topshirildi.