Korrupsiya dunyo miqiyosida hal etilishi lozim bo‘lgan global muammolardan biridir. Ushbu illat har qanday davlat va jamiyatning siyosiy-iqtisodiy rivojlanishiga jiddiy putur yetkazadi, inson huquq va erkinliklarining poymol bo‘lishiga olib keladi. 

Jumladan, oliy ta’lim muassalarini bitirib, kasbiy faoliyat boshlash ostonasida turgan yoshlarga korrupsiyaning nechog‘li xavfli illat ekani haqida ma’lumotlar berish foydadan xoli bo‘lmaydi, albatta. Negaki, bugungi kun bitiruvchisi ertangi mutaxassis, jamiyat va davlat boshqaruvining ishtirokchisidir.

O‘zbekiston Respublikasi oliy ta’lim tizimini 2030-yilgacha rivojlantirish konsepsiyada korrupsiyaga qarshi kurashish va shaffoflikni ta’minlash, oliy ta’lim sohasida “korrupsiyasiz soha”ni yaratish lozimligi ham alohida belgilab berilgan.

Samarqand davlat chet tillar instituti rektori Ilxom Tuxtasinov