Xabaringiz bor, Samarqand davlat chet tillar instituti va Rossiyaning Altay pedagogika instituti hamkorligida qo‘shma ta’lim dasturlari tashkil etilgan va hozirda mazkur dastur asosida 30 nafar talaba tahsil olmoqda. 

Endilikda ushbu yo‘nalishda tahsil oluvchi talabalar uchun Samarqand davlat chet tillar institutida va Altay pedagogika institutida faoliyat ko‘rsatayotgan professor-o‘qituvchilar hamkorligida onlayn dars jarayonlari ya’ni vebinarlar tashkil etilmoqda. Dars davomida talabalar rus tilshunosligining sistemasi, ichki qurilishlari hamda til o‘rganishning qulay imkoniyatlarini o‘rganishadi.

Vebinarlar (onlayn darslar) har oyda ikki marta muntazam ravishda tashkil etilib boriladi.

SamDCHTI matbuot xizmati