Joriy yilning 15-oktabrida Samarqand davlat chet tillar institutiga AQSHning Vebster universiteti o‘quv ishlari bo‘yicha direktori John Grainger, Toshketdagi Vebster universiteti TESL dasturi direktori Vinodhini Reardon va dastur koordinatori Sanjar Djalalovlar tashrif buyurishdi.

Tashrif davomida institut rahbariyati vakillari, jumladan, institut rektori I.Tuxtasinov, Ingliz tili –II fakulteti dekani O.Yusupov, xalqaro hamkorlik bo‘limi boshlig‘i B.Berdialiyevlar ishtirokida rasmiy uchrashuv tashkil etildi. Unda mavjud o‘zaro hamkorlik aloqalarini yanada mustahkamlash, Samarqand davlat chet tillar institutining magistratura ta’lim bosqichida AQSHning Vebster universiteti bilan hamkorlikda 1 yillik “Ingliz tilini ikkinchi til sifatida o‘qitish” ta’lim yo‘nalishi tashkil etilgan bo‘lib, hozirda mazkur yo‘nalishda tahsil olayotgan talabalarning ta’lim olish jarayonida interaktiv usul, uslub, shuningdek, metodlarni qo‘llash borasida fikr hamda mulohazalar almashinildi.

Uchrashuvdan so‘ng Samarqand davlat chet tillar institutining bitiruvchi bosqich talabalari bilan davra suhbati tashkil etildi va Vebster universitetining ta’lim dasturlari yuzasidan taqdimot o‘tkazildi.