Samarqand davlat chet tillar instituti iqtidorli talabalar ilmiy tadqiqot faoliyatini tashkil etish bo‘limi boshlig‘i Gulnoza Azizova hamda iqtidorli talabalar bilan ishlash bo‘yicha muhandis Komila Islomovalar birgalikda talabalar bilan suhbatlashib chiqishdi.

Suhbatlashish jarayonida ma’naviy-ma’rifiy tadbirlar hamda ilmiy-amaliy konferensiyalarda ishtirok etishning ahamiyati va foydali jihatlari, nomdor davlat stipendiyalariga ega bo‘lish tartibi, har yili bo‘lib o‘tadigan fan olimpiadalarida talabalarning faol tarzda ishtirok etishlari to‘g‘risida, shuningdek, Samarqand davlat chet tillar instituti ma’muriyati talabalarning ijod ishlari, ilmiy hamda ilmiy ommabop maqolalarini yozishda, turli xil innovatsion ishlanmalarni yaratishda yaqindan yordam berishi to‘g‘risida barcha talabalarga ma’lum qildi.

SamDCHTI matbuot xizmati