Bugun, 12-mart kuni Samarqand viloyati Payariq tumani Xalq ta’lim bo’limiga qarashli Abdusattor Do’satov direktorligidagi 4-umumiy o’rta ta’lim maktabi hamda Samarqand shahar Xalq ta’lim bo’limiga qarashli Ra’no Boboyorova direktorligidagi 13-umumiy o’rta ta’lim maktabi o’qituvchilari hamda o’quvchilari Samarqand davlat chet tillar institutida bo’lishdi.

Tashrif davomida maktab o’quvchilari institutdagi ARM hamda AKT xonalari, tayyorlov kurslari va markazlari, institut qoshidagi Konfutsiy institutining faoliyati, mavjud fakultetlar, shuningdek, ularda xorijiy  oliy ta’lim muassasalari hamkorligida tashkil etilgan innovatsion loyihalari bilan batafsil tanishtirib chiqildi.

Maktab o’qituvchilari hamda o’quvchilari o’zlarini qiziqtirgan barcha savollarga institut xodimlari va professor-o’qituvchilaridan atroflicha javob olishdi.

SamDCHTI Axborot xizmati