2021/2022 o’quv yilida Ingliz tili-II fakulteti 1-bosqichiga 650 nafar abituriyent talabalikka qabul qilindi. Shundan kunduzgi ta’lim shaklida “Maktabgacha va boshlang’ich ta’limda xorijiy til: ingliz tili” ta’lim yo’nalishiga 112 nafar, kechki ta’lim shaklida “Maktabgacha va boshlang’ich ta’limda xorijiy til: ingliz tili” ta’lim yo’nalishiga 117 nafar, shuningdek, “Xorijiy til va adabiyoti: ingliz tili” ta’lim yo’nalishiga 421 nafar abituriyentlar 1-bosqich talabalikka qabul qilindi.

Ushbu talabalarga o’quv yilining birinchi haftasida mustaqillik darslari, institut hayoti bilan tanishish va kredit modul tizimi to’g’risida tushunchalar berib o’tildi.

Bugun, 16-sentabr kuni institut rahbariyati va fakultetning barcha 1-bosqich talabalari ishtirokida institut faollar zalida uchrashuv tashkil etildi. Ushbu uchrashuvda institutning o’quv ishlari bo’yicha prorektori F.Ro’ziqulov va yoshlar va ma’naviy-ma’rifiy ishlar bo’yicha prorektor O.G’aybullayev hamda bo’lim boshliqlari ishtirok etishdi.

Uchrashuvni fakultet dekani O.Yusupov olib borib, institut rahbariyatini talabalarga tanishtirdi. Qizg’in uchrashuvda talabalar o’zlarini qiziqtirgan barcha savollarga javob olishdi.