Bugun, 21-sentabr. Qadimiy va navqiron oliygoh Samarqand davlat universiteti o’z tarixida ilk bor “Universitet kuni”ni nishonlamaqoda.

Ushbu tarixiy sana Mirzo Ulug‘bek oliy madrasasining tashkil topishiga borib taqaladi. 1420-yil 21-sentabr kuni oliy madrasada ilk dars mashg‘ulotlari boshlangan.

Samarqand davlat universiteti rektori, professor, Oliy Majlis Senati a’zosi Rustam Xolmurodovning tashabbusi bilan ushbu kun tantanali ravishda nishonlanadi.

Bayram tantanalari doirasida “Turk dunyosida ta’lim, ilm-fan va texnologiyalar sohasida hamkorlik va o‘zaro ta’sir” mavzusidagi xalqaro simpozium ham o’tkazilmoqda. Bir qator mehmonlar bilan birgalikda viloyatdagi oliy ta’lim muassasalari rektorlari ham jarayonda ishtirok etishmoqda.

SamDCHTI Axborot xizmati