O‘zbekiston Respublikasi Prezidentining “Oliy ta’lim tizimini yanada rivojlantirish chora-tadbirlari to‘g‘risida”gi qaroriga binoan respublikamizdagi oliy ta’lim muassasalariga xorijning nufuzli oliygohlaridan malakali mutaxassislarni jalb etish chora-tadbirlarini amalga oshirish ko‘zda tutilgan. Shu munosabat bilan Samarqand davlat chet tillar instituti o‘quv jarayonlariga ham ko‘plab xorijlik mutaxassislar jalb etilmoqda.

2021-2022 o'quv yilida yana bir ispan tili mutaxassisi Jaime Fernandez Fernandez Samarqand davlat chet tillar instituti hamda Kadis universiteti o'rtasidagi almashinuv shartnomasi doirasida institut talabalariga dars berish uchun taklif etildi. U institutning “Ispan va italiyan” tillari kafedrasida 1 yil davomida faoliyatini davom ettiradi.

Jaime Fernandez Fernandez mazkur o’quv yili davomida dars mashg’ulotlarini davom ettirish bilan birgalikda ispan tili bilan bog’liq ochiq darslar va to’garaklar ham tashkil etadi.