Bahor bu - uyalchang, nozli kelinchak,
Quyosh nur allalar borliq - belanchak,
Dilda kurtak yozar BAXT nomli chechak,
Navro‘zi olamga yetkazdi shukur…

        Navro‘z xalqimizning eng sevimli bayramlaridan biri hisoblanadi. Chin ma’noda bahor bayrami. Bunda dasturxonlar noz-nematlarga to‘lib toshadi, deyarli har bir o‘zbek xonadonida doshqozonlarda sumalak qaynaydi. Yoshlarni aytmaysizmi, qizlar sochlariga jamalak taqishadi, bolalar va yigitlar esa qo‘lga varrakni olib qir-adirlarga yugurib ketishadi. 
        Joriy yilning 21-mart kunida Samarqand shahrida Navro‘z bayrami sayli tantanali ravishda nishonlandi. Bayram nishonlanishida Samarqand davlat chet tillar institutining rektori, prorektorlari, bo‘lim boshliqlari, fakultet dekanlari, shuningdek, butun institut jamoasi faol ravishda qatnashdilar.