Samarqand davlat chet tillar institutida “Olam mening qalbimda” mavzusida tantanali katta tadbir tashkil etildi. Mazkur tadbir institutda tahsil olayotgan imkoniyati cheklangan talabalar tomonidan tashkil etildi va tadbir davomida shaxsan o‘zlari faollikni ko‘rsatishdi.

Jumladan, tadbir davomida talabalar tomonidan “Onamga muhabbat”, “Talabalar – tabiat bilan”, “Olam qalbim to‘rida” nomli sahna ko‘rinishlarini, “Do‘stim va men”, “Sevimli oliygohim” mavzularidagi jonli ijrodagi qo‘shiqlar hamda raqslar ijro etildi.

Tadbirni tashkil etishda institut Yoshlar ittifoqi, yoshlar bilan ishlash, ma’naviyat va ma’rifat bo‘limi hamda fakultetlar yaqindan faollik ko‘rsatishdi. O‘zlarining faolligini sahnada mohirona ifodalay olgan hamda faollik ko‘rsatgan talabalar maxsus diplom va faxriy yorliqlar bilan taqdirlanishdi.

Talabalar turar joyida imkoniyati cheklangan talabalarning erkin harakatlanishi uchun zarur sharoitlar yaratilgan. O‘quv xonalari va darsxonalar turli kategoriyadagi imkoniyati cheklangan talabalar uchun moslashtirilgan.