Bugun, 24-oktabr. O’zbekiston Respublikasi Prezidentlik saylovi kuni. Samarqand viloyatidagi 1111 ta saylov uchastkalarining barchasida bugun ertalab soat 8:00 da ovoz berish jarayonlari boshlandi va bu jarayon kechki soat 20:00 ga qadar davom etadi. Ovoz berish Saylov kodeksida belgilangan talablar asosida amalga oshirilmoqda.

Jumladan, bugun Samarqand davlat chet tillar institutida joylashgan 67-saylov uchastkasida ham davlat Madhiyasi kuylanishidan so’ng ovoz berish jarayoni boshlandi. Ushbu saylov uchastkasiga Samarqand shahridagi 2 ta mahalla, ya’ni “Ko’ksaroy” hamda “Mustaqillik” mahallalari biriktirilgan bo’lib, jami ovoz beruvchilar soni 2844 nafarni tashkil etadi.

Muddatidan oldin ovoz berganlar soni 60 nafarni tashkil etadi. Saylov uchastkasiga jalb etilgan fuqarolar orasida keksalar, nogironligi bo’lganlar uchun ko’chma saylov qutilari ham tashkil etilgan.

“Intellekt” gazetasi