Dunyodagi jamiki musulmon ummati uchun moʻtabar va qadrli bo‘lgan shu saodatli, ulug‘ ayyomda siz, azizlarni, yurtimizdagi barcha mo‘min-musulmonlar, butun xalqimizni Ramazon Hayiti bilan chin qalbimdan samimiy muborakbod etaman.

Muqaddas dinimizning ezgulik va insonparvarlik, mehr-shafqat kabi buyuk fazilatlari yanada yorqin namoyon bo‘ladigan ushbu shukuhli damlarda barchamiz, avvalo, Alloh taologa oilamiz, el-u yurtimiz bilan birgalikda bugungi qutlug‘ va barokatli kunlarga yetkazgani uchun behisob shukronalar aytamiz.

Muhtaram Yurtboshimiz tomonidan qabul qilingan PF-213-sonli qarorida joriy yilning 10-aprel Ramazon Hayiti kuni, 11-aprel, payshanba – barcha uchun qo‘shimcha dam olish kuni, 12-aprel, juma – 6 kunliklarga qo‘shimcha dam olish kuni, 5 kunliklarga 13-aprel, shanbadan ko‘chirilgan dam olish kuni etib belgilandi.

Aziz yurtdoshlar, muqaddas Ramazon Hayiti bayrami munosabati bilan Sizlarga sog‘lik-salomatlik, oilangizga tinchlik-totuvlik tilayman. Ushbu muqaddas kunda barcha ezgu amallaringiz, xayrli va saxovatli ishlaringiz ijobat bo‘lsin. Xonadoningizdan fayz, dasturxoningizdan baraka arimasin. El-yurt ravnaqi, kelajak avlod tarbiyasi yo‘lida fidokorona faoliyatingizga omadlar yor bo‘lsin!

Kelgusi yil barchamizni muqaddas Ramazon oyida shod-u xurramlikda uchrashtirishni Yaratgan nasib aylasin. Azizlar, barchangizga Ramazon Hayiti bayrami muborak bo'lsin! O‘zingiz, oilangiz va do‘stlaringizni asrang!

Fazliddin Ro‘ziqulov,

Samarqand davlat chet tillar instituti rektori v.v.b.