Kafedra professor-o‘qituvchilari ilmiy-tadqiqot ishlarida faol ishtirok etib kelmoqdalar. Kafedraning ilmiy ish rejasiga muvofiq, kafedrada ilmiy konferensiyalar va seminarlar muntazam ravishda o‘tkazib kelinmoqda. Kafedra professor-o‘qituvchilari va talabalari xalqaro hamda respublika miqyosidagi ilmiy-amaliy konferensiyalarda muntazam ishtirok etib, ilmiy jurnallarda o‘z maqolalarini nashr ettirmoqdalar.

Kafedrada iqtidorli talabalar bilan ishlash tizimi yo‘lga qo‘yilgan. Ularning tilshunoslikning turli yo‘nalishlari, og‘zaki va yozma tarjima, badiiy tarjima va poetik tarjima, shuningdek, ilmiy maqolalar yozish sohalaridagi qobiliyatlarini rivojlantirish maqsadida davra suhbatlari va muloqotlar tashkil etilmoqda. Saralab olingan talabalar o‘z qobiliyatlari va qiziqishlariga mos ravishda turli to‘garaklarga jalb etilib, ularning qiziqish yo‘nalishlari bo‘yicha ilmiy rahbarlar biriktirilmoqda.

Ilmiy tadqiqotlar samaradorligi

Joriy yilda kafedrada olib borilgan ilmiy-tadqiqot ishlari natijalariga ko‘ra o‘quv qo‘llanmalar, risolalar va ma’ruza tezislari tayyorlandi hamda nashr etildi. Ilmiy ishlar natijalari xorijiy ilmiy jurnallarda va respublika miqyosidagi ilmiy konferensiyalarda chop etildi.

Quyidagi o‘quv-uslubiy qo‘llanmalar, risolalar va ma’ruza matnlarini alohida ta’kidlash mumkin:

• Abdunazarova Z.I. va Sobirova F.U. tomonidan “Modern Linguistics” nomli o‘quv-uslubiy qo‘llanma nashr etildi. Samarqand: SamDChTI, 2026. Ingliz tilida, 135 bet.
• Abdunazarova Z.I. tomonidan magistratura talabalari uchun tadqiqot olib borish ko‘nikmalarini rivojlantirishga qaratilgan “English for Academic Purposes” nomli o‘quv-uslubiy qo‘llanma nashr etildi. Samarqand: SamDCHTI, 2026. Ingliz tilida, 400 bet.

Innovatsion g‘oyalar va ishlanmalarni joriy etish

Kafedra o‘qituvchilari muntazam ravishda Nurobod tumanidagi umumta’lim maktablariga metodik va amaliy yordam ko‘rsatish, o‘qituvchilar hamda o‘quvchilarni qo‘llab-quvvatlash maqsadida tashrif buyurib kelmoqdalar. Hamkorlik doirasida o‘qituvchilar tomonidan xorijiy tillarni o‘qitish sifatini oshirish va o‘quvchilarning til ko‘nikmalarini rivojlantirishga qaratilgan ochiq darslar, amaliy mashg‘ulotlar, seminarlar va maslahatlar o‘tkazilmoqda.

O‘qituvchilarga metodik ko‘mak berish, tajriba almashish hamda zamonaviy o‘qitish metodlari va texnologiyalarini ta’lim jarayoniga joriy etishga alohida e’tibor qaratilmoqda. O‘quvchilar uchun qo‘shimcha mashg‘ulotlar, ma’rifiy tadbirlar va turli ta’limiy uchrashuvlar tashkil etilib, ularning xorijiy tillarni o‘rganishga bo‘lgan qiziqishini oshirishga xizmat qilmoqda.

Mazkur ishlar muntazam ravishda olib borilib, kafedra va tumandagi umumta’lim muassasalari o‘rtasidagi amaliy hamkorlikni mustahkamlash, shuningdek, ta’lim jarayoni sifatini oshirishga qaratilgan.