Ariza topshirish muddati: 29.12.2025 - 30.01.2026

Davomiyligi: 02.02.2026 - 27.02.2026

DASTUR MAQSADI

So‘nggi yillarda turk tilining xorijiy/ikkinchi til sifatida o‘qitilishi juda katta qiziqish uyg‘otayotgan yo‘nalishga aylandi. Dunyoning turli mintaqalarida turk tilini o‘rganishga bo‘lgan talabning ortib borishi ushbu sohada olib borilayotgan ilmiy tadqiqotlarning ko‘payishi va rivojlanishiga imkon yaratdi. Shu bilan birga, ko‘plab mutaxassislar xorijliklarga turk tilini o‘qitish sohasida ish bilan ta’minlanib, turli muassasalarda faoliyat yuritish imkoniyatiga ega bo‘lmoqdalar.

Ushbu dasturning maqsadi — turk tilining xorijiy/ikkinchi til sifatida o‘qitilishi yo‘nalishida ishlashni istagan, tajriba orttirishni va o‘z malakasini oshirishni xohlagan ishtirokchilarga quyidagi yo‘nalishlarda nazariy bilim va amaliy tajriba berishdir: til o‘qitishning usul va yondashuvlari, to‘rt asosiy ko‘nikmani shakllantirish, baholash va monitoring amaliyotlari, o‘quv materiali yaratish va dizayni, umumiy maqsaddagi akademik turk tili, grammatika va lug‘at o‘qitish, shuningdek, turkiy xalqlarga Turkiya turkchasini o‘rgatish.

Ushbu ta’lim dasturi orqali Bursa Uludağ Universiteti ULUTÖMER hamda Samarqand Davlat Chet Tillar Instituti professor-o‘qituvchilari tomonidan turk tili o‘qitish sohasida ishlash va o‘z malakasini oshirishni istagan nomzodlarga bilim va tajriba almashinuvi amalga oshiriladi.

Nomzodlar Bursa Uludag‘ Universiteti ULUTÖMER va Samarqand Davlat Chet Tillar Instituti tomonidan beriladigan sertifikat orqali, eng avvalo, O‘zbekistondagi davlat va nodavlat tashkilotlarida faoliyat yuritish imkoniyatiga ega bo‘ladilar.

UMUMIY MA’LUMOTLAR

● O‘qitish muddati: 35 soat nazariy, 5 soat kuzatuv va amaliyot
● Nazariy darslar masofaviy ta’lim shaklda (Zoom orqali) tashkil etiladi.
● Kuzatuv va amaliyot:
 – Samarqand va atrofida yashovchi nomzodlar uchun darslar Samarqand Davlat Chet Tillar Institutida (SamDCHTI) an’anaviy tarzda o‘tkaziladi;
 – SamDCHTI binosiga kelish imkoniyati bo‘lmagan nomzodlar uchun esa amaliy darslar masofaviy ta’lim tarzida amalga oshiriladi.
 (Izoh: 1 yillik dars berish tajribasiga ega nomzodlardan ushbu talab qo‘yilmaydi.)
● Darslar haftaning ish kunlarida o‘tkaziladi.
● Davomat talabi: Darslarga kamida 80% qatnashish majburiydir. Davomat ko‘rsatkichi belgilangan me’yordan past bo‘lgan nomzodlar sertifikat olish huquqidan mahrum bo‘ladi.

KIMLAR ARIZA TOPSHIRISHI MUMKIN?

● O‘zbekistondagi universitetlarning Turkologiya bo‘limi talabalari (2-, 3- va 4-kurslar ustuvor) va bitiruvchilari; shuningdek, tilshunoslik bilan bog‘liq bo‘limlarning talabalari (2-, 3- va 4-kurslar) va bitiruvchilari dasturga ariza topshirishlari mumkin.
● Agar joy mavjud bo‘lsa, boshqa bo‘limlardan nomzodlar ham dasturga qabul qilinadi.
● Turkologiya bo‘limi tashqarisidagi arizalarda kamida B2 darajali turk tili malaka sertifikati talab qilinadi.

Joylar soni: 70 kishi. Agar ariza topshiruvchilar soni belgilangan limitdan ortsa, ortiqcha arizalar keyingi dasturga o‘tkaziladi.

QANDAY RO‘YXATDAN O‘TISH MUMKIN?

● Nomzodlar avvalo quyidagi ro‘yxatdan o‘tish anketasini to‘ldiradilar. Arizalar ko‘rib chiqiladi va ariza talablariga javob beradigan nomzodlarga ro‘yxatdan o‘tish bo‘yicha tasdiq beriladi. Tasdiq olinganidan so‘ng, yakuniy ro‘yxatdan o‘tish uchun kerakli hujjatlar turkcesertifikam@gmail.com elektron pochta manziliga yuborilishi zarur.
● Oldindan ro‘yxatdan o‘tish formasi: https://docs.google.com/forms/d/e/1FAIpQLSdeEgPNzklc_Qwk5LhuXC6gW1Kp4LNXd8eepkvQUgJzpSqXIA/viewform?usp=dialog

 

YAKUNIY RO‘YXATDAN O‘TISH UCHUN KERAKLI HUJJATLAR

● Passport
● Diplom (faqat bitiruvchilardan talab qilinadi)
● Talabalik guvohnomasi (SamDCHTI talabalari uchun)
● To‘lov kvitansi (to‘lov vaqtida tizimdan olinadi)

TO‘LOV

● To‘lov miqdori: 3000 TL
● To‘lov quyidagi onlayn to‘lov tizimi orqali amalga oshiriladi.
● Onlayn to‘lov: https://ulutomer.uludag.edu.tr/

DIQQAT:

1. To‘lovni amalga oshirishdan oldin dastur koordinatori bilan bog‘lanib, dasturga qatnashishingiz bo‘yicha tasdiq olganingizni tekshiring. Tasdiq olingandan so‘ng to‘lovni amalga oshiring.
2. To‘lov vaqtida barcha ma’lumotlarni to‘liq kiriting. Ikkinchi bosqichda “YTÖ Sertifikat Dasturi”ni tanlang. Karta ma’lumotlaringizni kiritib, to‘lovni amalga oshiring. Oxirgi bosqichda to‘lov kvitansiyasini oling. To‘lov kvitansiyasini boshqa hujjatlar bilan birga turkcesertifikam@gmail.com elektron pochta manziliga yuboring va yakuniy ro‘yxatdan o‘tish jarayonini yakunlang.
3. Agar to‘lov to‘liq amalga oshirilmasa, arizangiz tasdiqlanmaydi. Shuningdek, to‘lov summasi qaytarilmasligi esda tutilsin.

 

 

DASTUR JARAYONINING QAMROVI

● Nazariy darslar masofaviy ta’lim shaklida (Zoom orqali) o‘tkaziladi.
● Darslar jadvali va ulanish ma’lumotlari nomzodlarga alohida Telegram guruhi orqali yetkaziladi.
● Jarayon davomida nomzodlar dastur koordinatori bilan Telegram guruhi orqali dastur bilan bog‘liq muloqot qilishi, darslar jadvali va dars qatnashish havolalarini olishi mumkin bo‘ladi.
● Dastur doirasida nomzodlardan nazariy darslarda qatnashish bilan bir qatorda o‘quv materiali tayyorlash vazifasi ham talab qilinadi. Material tayyorlash uchun nomzodlarga mavzular beriladi va ulardan kamida bittasiga oid materialni tayyorlash so‘raladi. Nomzodlardan o‘z materiallarini belgilangan muddatgacha elektron shaklda topshirishlari kutiladi.

KUZATUV VA AMALIYOT

● Sertifikat dasturida qatnashib, barcha darslarni yakunlagan nomzodlarga Samarqand Davlat Chet Tillar Institutida (SamDCHTI) 5 soatlik kuzatuv va amaliyot imkoniyati beriladi. Nomzodlar o‘zlariga belgilangan sinflarda kuzatuv o‘tkazish bilan birga dars o‘tish tajribasini ham orttiradilar. An’anaviy amaliyotlarga qatnasholmaydigan nomzodlardan esa darslarni masofaviy ta’lim tarzida o‘tkazish talab qilinadi.
● Samarqanddan tashqaridan qatnashib, SamDCHTIga kelolmaydigan nomzodlar nazariy darslarni yakunlagan hafta masofaviy ta’lim tarzida dars o‘tadilar.
● Agar nomzod bir yildan kam bo‘lmagan muddat davomida xorijliklarga turk tili bo‘yicha dars bergan tajribaga ega bo‘lsa va bu tajribani hujjat bilan tasdiqlay olsa, kuzatuv va amaliyotdan ozod qilinishi mumkin.

BAHOLASH

● Nomzodlarning sertifikat olish huquqiga ega bo‘lishi uchun material tayyorlash va imtihon natijalarining o‘rtacha ko‘rsatkichidan kamida 60% ball olish sharti talab qilinadi.
● Baholash ballari quyidagicha hisoblanadi: imtihon – 50%, material tayyorlash – 25%, amaliyot – 25%.
● Imtihon masofaviy ta’lim shaklida, Bursa Uludağ Universitetining masofaviy ta’lim tizimi orqali o‘tkaziladi.

SERTIFIKAT

● Sertifikat dasturini muvaffaqiyatli yakunlagan nomzodlar uchun Xorijiy til sifatida turk tili o‘qituvchisi sertifikati beriladi. Davomat chegarasidan oshgan va baholash bosqichida kamida 60% ballga erisha olmagan nomzodlar sertifikat olish huquqiga ega bo‘lmaydilar.
● Sertifikatlar dastlab raqamli shaklda taqdim etiladi. Hujjatlarning asl nusxalari esa SamDCHTIdan olishingiz mumkin bo‘ladi.

DIQQAT:

Bizning dasturimizning joylar soni 70 kishi bilan cheklangan. Belgilangan son to‘lganida arizalar yopiladi. Bursa Uludağ Universiteti ULUTÖMER va Samarqand Davlat Chet Tillar Instituti ushbu ta’limni keyinga qoldirish yoki bekor qilish huquqini o‘zida saqlab qoladi. Talablar yig‘ilgandan so‘ng, yetarli son to‘lgan taqdirda dastur ochiladi. Yakuniy ro‘yxatdan o‘tishdan so‘ng to‘lov summasi qaytarilmaydi. Agar majburiy sabablardan kelib chiqqan holat yuz bersa, nomzodning huquqi keyingi dasturga o‘tkaziladi.

 

PROGRAM İÇERİĞİ

Sıra	DERS	EĞİTMEN
1	Yabancı Dil Olarak Türkçe Öğretiminin Tarihsel Gelişimi ve Bugünkü Durumu	Prof. Dr. Fatih Demirel
2	Türkçe Eğitiminde Temel İlkeler, Yöntem ve Yaklaşımlar	Öğr. Gör. Dr. Tayfun Barış
3	Yabancı Dil Olarak Türkçe Öğretiminde Öğretici Yeterlikleri	Öğr. Gör. Sıla Türkay Yavuzel
4	Dil Öğretiminde Çerçeve Metinler ve Yabancı Dil Olarak Türkçe Öğretimi	Öğr. Gör. Dr. Gözde Özlem
5	Yabancı Dil Olarak Türkçe Öğretiminde Okuma Eğitimi ve Örnek Uygulamalar	Öğr. Gör. Dr. Erdem Hamaratlı
6	Yabancı Dil Olarak Türkçe Öğretiminde Materyal Geliştirme ve Teknoloji Tabanlı Araçlar	Öğr. Gör. Dr. Kerim Sarıgül
7	Yabancı Dil Olarak Türkçe Öğretiminde Dinleme Eğitimi ve Örnek Uygulamalar	Öğr. Gör. Sıla Türkay Yavuzel
8	Yabancı Dil Olarak Türkçe Öğretiminde Yazma Eğitimi ve Örnek Uygulamalar	Öğr. Gör. Dr. Erdem Hamaratlı
9	Yabancı Dil Olarak Türkçe Öğretiminde Dil Bilgisi Öğretimi ve Örnek Uygulamalar	Öğr. Gör. Dr. Alican Özkan
10	Türkiye ve Özbek Türkçesi Örnekleminde Eşzamanlı Tercüme Yöntemlerinin Öğretimi	Öğr. Gör. Anvar Mirzaqulov
11	Yabancı Dil Olarak Türkçe Öğretiminde Sınav Uygulamaları, Ölçme ve Değerlendirme	Öğr. Gör. Dr. Alican Özkan
12	Yabancı Dil Olarak Türkçe Öğretiminde Sözcük Öğretimi ve Örnek Uygulamalar	Öğr. Gör. Dr. Gonca Kırbaş
13	Türk Soylulara Türkiye Türkçesi Öğretimi Uygulamaları	Öğr. Gör. Dr. Gözde Özlem
14	Yabancı Dil Olarak Türkçe Öğretiminde Konuşma Eğitimi ve Örnek Uygulamalar	Öğr. Gör. Dr. Özlem Güngör Sert
15	Yabancı Dil Olarak Türkçe Öğretiminde Eğitsel Oyunların Kullanımı (dijital tabanlı)	Öğr. Gör. Esra Merve Oğraş
16	Yabancı Dil Olarak Türkçe Öğretiminde Kullanılan Türkçe Öğretim Kitapları	Öğr. Gör. Dr. Tayfun Barış
17	Özbekistan’da Türkiye Türkçesi Öğretiminde Karşılaşılan Sorunlar	Doç. Dr. Ozan İpek