Ingliz tili kafedrasi

Ingliz tili kafedrasi Samarqand davlat chet tillar instituti Ingliz tili fakulteti tarkibida faoliyat yuritadi. Kafedra mudiri — Obruyeva Gulchexra Xamrokulovna. Kafedraning asosiy ilmiy yo‘nalishi: “Chog‘ishtirma tilshunoslik: lingvistik-pragmatik va kognitiv yondashuvlar”.

Kafedraning ilmiy salohiyati 46 foizni tashkil etadi. Kafedrada jami 15 nafar professor-o‘qituvchi faoliyat olib boradi. Ulardan 1 nafari — G.X. Obruyeva, filologiya fanlari nomzodi, professor; 3 nafari filologiya fanlari bo‘yicha falsafa doktori (PhD); 3 nafari pedagogika fanlari bo‘yicha falsafa doktori (PhD). Kafedrada 7 nafar katta ilmiy xodim-tadqiqotchi o‘z dissertatsiyalarini himoyaga chiqarish arafasida.

2026-yilda Buranova L.U. va Dushanova N.M. ilmiy dissertatsiyalarini muvaffaqiyatli himoya qilib, pedagogika fanlari bo‘yicha falsafa doktori (PhD) ilmiy darajasiga ega bo‘ldilar. Kafedra professor-o‘qituvchilarining o‘rtacha yoshi — 38 yosh.