Kafedra professor-o'qituvchilari ilmiy-tadqiqot ishlarida faol ishtirok etmoqda. Ilmiy ishlar rejasiga muvofiq kafedrada ilmiy konferensiyalar va seminarlar o'tkaziladi. Jumladan kafedra professor o‘qituvchilari tomonidan institutda “Xorijiy tilni o'qitishdagi dolzarb metodik, lingvistik masalalar va yondashuvlar” mavzusida xalqaro ilmiy-amaliy anjuman bo‘lib o‘tdi.

Bir guruh xorijlik va mahalliy olimlar ishtirok etgan tadbirni institut rektori B.Xoliqov ochib berdi va anjuman ishiga omad tiladi. So‘zga chiqqan professor U.Qarshiboyeva, dotsent K.Kiyassova, Bilir Bayram (Turkiya), Ozan Ipek (Turkiya), Ahmed Mahmud Ahmed Muhammad (Misr), Xiang Vei (Xitoy) va Bao Liyang (Xitoy)lar o‘z ma’ruzalarida xorijiy tillarni o‘qitishning yangi pedagogik uslublari, rivojlangan davlatlar oliy ta’lim tizimida xorijiy tillarni o‘qitishning o‘ziga xos tajribalari hamda samaradorlikka erishishda bu uslub va tajribalarning tutgan o‘rni haqida ma’lumot berishib, o‘z tajribalari bilan o‘rtoqlashishdi.. Kafedra professor-o'qituvchilari va talabalari xalqaro va respublika ilmiy-amaliy konferensiyalarida muntazam ishtirok etib, o'z maqolalarini ilmiy jurnallarda chop etadilar. Bundan tashqari ushbu kafedrada faoliyat olib borayotgan professor-o’qituvchilar tomonidan joriy yilda fakultet nashr rejasi asosida xorijiy til va adabiyot yo’nalishi 2 kurs talabalariga mo’ljallangan O’qish va yozish fanidan 1 ta uslubiy qo’llanma va Filologiya va tillarni o’qitish (rus tili) yo’nalishi talabalariga mo’ljallangan xorijiy til fanidan “Foreign language” nomli 1 ta mashqlar to’plami nashr etildi. Kafedrada tilshunoslikning turli sohalarida, og'zaki va yozma tarjimada, badiiy rivoyat va she'riy tarjimada, ilmiy maqolalar yozishda ularning qobiliyatlarini rivojlantirish bo'yicha davra suhbatlari, dialoglar tashkil etiladi. Tanlangan talabalar o'zlarining iste'dodlari va intilishlariga ko'ra to'garaklarga jalb qilinadi. Talabalarni qiziqtirgan yo'nalishlar bo'yicha ilmiy rahbarlar biriktiriladi.

Ilmiy-tadqiqot ishlarining samaradorligi

 

2026 yilda ”Umumiy fanlar” kafedrasida 1 nafar professor, 2 nafar dotsent, 2 nafar phd hamda  3 ta assisstent hamda 5 nafar stajyor jami 14 nafar asosiy shtatdagi o`qituvchilar faoliyat olib bormoqda . Ayni paytda kafedraning 6 nafar o’qituvchisi, jumladan, Esirgapov Muhiddin Nizomiddinovich, Yusupov Nuriddin Ochilovich, Alibekova Dilrabo Abdiraimovna, Maxmudova Komila Sobirjanovna, Saydivaliyeva Nasiba Zoirovna, Qobilova Shahrizoda Jalolitdinovalar  ilmiy ish (PhD dissertatsiyasi) bilan shug’ullanmoqda.

Joriy yilda kafedraning ilmiy tadqiqotlari natijalari asosida, ilmiy-amaliy konferensiyalarda OAK ro'yxatiga kiritilgan xalqaro va respublika jurnallarida 30 ga yaqin maqolalar chop etildi. Ulardan 10 tasi xalqaro jurnallarda, 5 tasi xorijiy ilmiy jurnallarda, 10 dan ortig'i respublika jurnallarida va 5 tasi oliy o'quv yurtlarida tashkil etilgan ilmiy konferensiyalar materiallarida chop etilgan.

 

Innovatsion g'oyalar va ishlanmalarni amalga oshirish bo'yicha olib borilayotgan ishlar:

O'zbekiston Respublikasi prezidenti SH.M. Mirziyoyevning 2017 yil 7 fevraldagi "O'zbekiston Respublikasini yanada rivojlantirish bo'yicha harakatlar strategiyasi to'g'risida" gi PQ 49-47-son farmoni kafedrada ta'lim va tarbiya samaradorligini oshirish, ilmiy tadqiqotlarning amaliy ahamiyatiga jiddiy e'tibor qaratish masalalarida dasturiy qo'llanma bo'lib xizmat qilmoqda.

Payariq tumanidagi 28-maktab bilan Payariq xorijiy tillar fakulteti o‘rtasida o‘zaro hamkorlik memorandumi tuzildi. Mazkur memorandum ikki tomonlama manfaatli hamkorlikni yo‘lga qo‘yishga xizmat qiladi. Unga ko‘ra, Payariq xorijiy tillar fakulteti Umumiy fanlar kafedrasining filiali 28-maktabda tashkil etildi. Filial tashkil etilishi o‘quv jarayonini yanada takomillashtirishga zamin yaratdi. Hamkorlikni samarali yo‘lga qo‘yish maqsadida keng qamrovli ishlar rejalashtirildi. Kafedra o‘qituvchilari tomonidan turli tashviqot ishlari amalga oshirildi. Mazkur tashviqot ishlari o‘quvchilar va o‘qituvchilar o‘rtasida qiziqish uyg‘otdi. Maktab hududida kafedra faoliyatini aks ettiruvchi maxsus burchak tashkil etildi. Hamkorlik doirasida ilmiy-amaliy ishlar ham olib borildi. Jumladan, kafedra o‘qituvchilari D. Alibekova, K.Maxmudova, N.Yusupov va F.Xolbaevlar faol ishtirok etdi. Ular 8 nafar 4-bosqich talabalari bilan birgalikda ish olib bordi. Diplom ishi loyihasi doirasida tajriba-sinov ishlari tashkil etildi. Tajriba ishlari bevosita maktab o‘quvchilari bilan o‘tkazildi. Asosiy e’tibor ingliz tilidagi ko‘nikmalarni rivojlantirishga qaratildi.

Ma'naviy-ma'rifiy ishlar

Samarqand davlat chet tillar instituti Payariq xorijiy tillar fakultetida 314 nafar talaba respublikamizning turli manzillaridan kelib 4 ta yo`nalish bo`yicha tahsil olmoqda.

Fakultetda 5 ta muhim tashabbus, ko`ngil ochar tadbirlar, davra suhbatlari, uchrashuv va h.k. lar doimiy ravishta o`tkzilib kelinadi. Jumladan davlatimiz rahbari yangi tizim asosida ijtimoiy, ma'naviy-ma'rifiy sohalarda ishlarni yo'lga qo'yish bo'yicha 5 ta muhim tashabbusni ilgari surdi.Talabalarning siyosiy va huquqiy savodxonligini yanada oshirish, shuningdek, mamlakatimizda ro'y berayotgan siyosiy-ijtimoiy, iqtisodiy va siyosiy jarayonlar, ta'lim sohasidagi ijobiy islohotlar, shuningdek, xorijiy mamlakatlarda ro'y berayotgan turli voqealar to'g'risida talabalarga axborot yetkazish maqsadida professor-o'qituvchilar, institut yoshlar bilan ishlash bo'limi bilan birgalikda institutda muntazam ravishda "axborot va murabbiylik soatlari"o'tkaziladi. 2025 yil, 5-dekabr sanasida “8-dekabr Konstitutsiya kuni” ba bag’ishlangan “ Konstitutsiyamiz baxtimiz qomusi nomli keng qamrovli tadbir tashkil etildi. Ushbu tadbir asosan ikki qismdan tashkil topadi; tonggi  tongda talabalar va professor o’qituvchilarni “ Biz korrupsiyaga qarshimiz” hamda “ Konstitusiya baxtimiz qomusi” talqinidagi shiorlarni targ’ib etish bilan boshlandi. Shu bilan bir qatorda  ishtirokchilar bag’rikenglik va teng huqulilikni yanada targ’ib etishda maxsus  yaratilgan emblemalarni barcha fakultet a’zolarining o’ng ko’kraklariga qadashdan boshlashdi.  Quyida esa uning o’zi bilan tanishishingiz mumkin.

    

SamDChTI Payariq xorijiy tillar fakulteti talabalari Payshanba – Yoshlar kuni munosabati bilan voleybol musobaqasi tashkil etildi. Ushbu sport musobaqasida talabalarning bo‘sh vaqtini mazmunli o‘tkazish, ularning jismoniy faolligini oshirish hamda sog‘lom turmush tarzini targ‘ib qilish maqsadida o‘tkazildi. Tadbir davomida talabalar o‘rtasida voleybol bo‘yicha do‘stona o‘yinlar tashkil etildi. Ishtirokchilar jamoaviy hamkorlik, tezkorlik va sport mahoratini namoyon etdilar.Tadbir jarayonida talabalar o‘zaro muloqot qilib, sport orqali jamoaviy ruhni yanada mustahkamlash imkoniyatiga ega bo‘ldilar.

 

Kafedraning" madaniy hayoti"

Kafedrada doimiy ravishda madaniy-ma'rifiy tadbirlar o'tkaziladi, unda taniqli olimlar, yozuvchilar, shoirlar, san'at ustalari taklif etiladi. Har yili fakultet talabalari bilan birgalikda madaniy va ommaviy faoliyatni yaratish bilan bog'liq tadbirlar, ya'ni teatr tomoshalari, QVZ, brifinglar, ochiq darslar, Ingliz tili va adabiyoti kunlari, xorij  madaniyati va san'atiga bag'ishlangan bayramlar o'tkaziladi. Shuningdek, talabalarda san’atga qiziqish uyg’otib, o'qituvchilar bilan birgalikda kontsertlar, spektakllar, muzeylar va ko'rgazmalarga tashrif buyurishadi.

Umumiy fanlar kafedrasi professor- o‘qituvchilari hamda kutubxona hamkorligida Payariq xorijiy tillar fakultetida yoshlar kuni munosabati bilan yozuvchi  Oʻ.Hoshimovning ,, Ikki eshik orasi,, romani talabalar oʻrtasida muhokama etildi. Tadbirga SamDCHTI rektori B.Xoliqov tashrif buyurib talabalar bilan asar yuzasidan savol-javob oʻtkazdi. Xorij madaniy va me'moriy merosi durdonalari bilan tan ma'lumotnomalar to'plangan. Bundan tashqari el suygan shoir, o'tkir qalam sohibi Muhammad Yusuf tavalludi munosabati bilan badiiy kecha o'tkazildi. Bunda shoirning hayot va ijod yo'li hamda uning dilga yaqin she'rlari talabalar tomonidan aytib berildi. Badiiy kechada kafedra o'qituvchisi N.Saydivaliyeva hamda tyutor J.Tursunboyevlar ham ishtirok etdi.

Umuman olganda, bajarilgan ishlar talabalarning bilimlarini boyitish va ularni madaniy tarbiyalashga qaratilgan.